Suiaaqatigiit katissinnaanerat Inatsisartut ataatsimiinneranni oqaluuserineqassanngilaq

Suiaaqatigiit katissinnaanerat pillugit Inatsisartuni oqaluuserineqannginnissaa Demokraatinit pakatsissutigineqarpoq. Katissinnaanissaat pillugu Inatsisartut 2010-mi ukiaanerani ataatsimiinneranni oqaluuserineqarnissaa ilaasortanit isumaqatigiissutigineqarnikuugaluarpoq.

Demokraatinit Michael Rosingip paragraf 37 naapertorlugu apeqqutaani Naalakkersuisut siulittaasuata Aleqa Hammondip sooq tamanna oqallisigineqartussaannginnera nassuiarpaa.

Rigsombudi kinguartitsivoq
Aleqa Hammond nassuiaavoq:

- Naalakkersuisut ulloq 11 . februar 2014 Inatslsartut Upernaakkut 2014-Imi ataatsimiinnissaannut oqaluuserisassat nalunaarutigaat, taakkununnga ilaatigut ilanngullugu Kalaallit Nunaanni katittarneq avittarnerlu pillugit inatsisip allanngortinneqarnissaanut siunnersuutip Kalaallit Nunaanni Namminersorlutik Oqartussanit atuutsinneqalernissaa pillugu lnatsisartut aalajangiiffigisassaattut siunnersuut.

- Ulloq 18. februar 2014 lnatsisartut Siulittaasoqarflata ilislmatitsissutigaa. oqaluuserisassatut nalunaarutigineqartut sisamat, taakkununnga ilanngullugu inatsisissatut siunnersuut pineqartoq, naalisakkap nutserneqarsimasup eqqorlugu tunniunneqarsimannginnera pissutigalugu 2014-imi upernaakkut ataatsimiinnerrni suliarineqarsinnaanngitsoq, kiisalu Inatsisartut Siulittaasoqarfiata tunniussiffissap killigitinneqartup kinguartinnissaanut immikkut ittumik akuerslssuteqarsinnaannginnera pissutigalugu.

Oqallisigineqassanngikkallarpoq
24. februar Naalakkersuisut Siulittaasuata lnatsisartut Siulittaasoqarfiat qinnuigaa aalajangerneq eqqarsaatigeqqeqqullugu upernaanerani ataatsimiinnermi aalajangiiffigisassatut siunnersuutip oqaluuserineqarnissaa akuereqqullugu.

Naalakkersuisut Siulittaasuat tamatumunnga tunngatillugu nassuiaavoq, Rigsombudip kukkunerup malitsigisaanik naalisagaq inatsisinut ataatsimoortunut ilaasoq nutsersimanngimmagu, oqaluuserisassami pappiaqqat atugassat nalunaaquttap akunnerinik ikittunik kinguartoorsimasoq.

26. februar lnatsisartut Allattoqarfiata Inatsisartut Siulittaasoqarfiata itigartitsinini aalajangiusimaannaraa ilisimatitsissutigaa.