SU-mik pisartagaqarneq sukateriffigineqalersoq

Akileraarutit suli ilanngaatiginagit 5.941 koruunit.

Danmarkimi ilinnia gaqartut qaammammut ilinniagaqarnersiutaat taamatut amerlassuseqarput.

Qallunaalli naalakkersuisuisa SU­-mi sipaaruteqarnissaq ilimasaarutigaat, tassuunak­kullu qallunaat ilinniagaqartut kisimik eqqorneqassanngillat, aammattaarli kalaallit Danmarkimi ilinniagaqartut eqqorneqassallutik.

Naalakkersuisut siunnersuutigaat ilinniagaqarnersiutit akileraarutit suli ilanngaatiginagit 4.753 koruuninut appar­neqassasut.

Amerlanerusunik akiligassaqalersinnaasut
Tamanna peqatigalugu ilin­ niagaqarnersiutit saniatigut aningaasat taarsigassarsiarineqarsinnaasut amerline­ qassapput.

Ataatsimut isigalugu tamatuma kingunerissavaa ilinniagaqartut, ullumikkut SU­mik ilinniagaqarnersiutinillu pisartut amerlanerusunik pisalernissaat. Taarsigassarsialli kingorna taarserneqartussaammata ilinniagaqartut amerlanerusunik akiligassaqalersinnaapput.

Danmarkimi najugaqaannarnissaq
Naalakkersuisut aamma pilersaarutigaat ilinniagaqartut ilinniakkaminnik naammas­ sinnereerunik annikinnerusumik akileraar­ tassasut, tassa ukiuni siullerni pingasuni sulinermut ilanngaat qaffasinnerusoq atortassammassuk.

Tamatumunngali piuma­ saqaataavoq Danmarkimi najugaqaannar­nissaq, tamannalu kalaallit ilinniakkamin­nik naammassinnittut Kalaallit Nunaannut utertarnissaannik kalaallit kissaatigisaannut ataqatigiissuteqarpallanngilaq.

– Ilinniagaqartut assigiissumik atugassa­ qartinneqartariaqarput. Kalaaleq ilinniaga­qartoq, ilinniakkaminik naammassinnermi kingorna Kalaallit Nunaannut utertoq, kalaallimit ilinniagaqartumit Danmarkimii­ginnartumit ajornerusumik atugassaqartin­neqarpat tamatumani ataqatigiissoqanngi­laq, Københavnimi Kalaallit Illuutaanni ilinniagaqartunik siunnersuisartoq Pia Rosing Heilman oqarpoq.

Allaaserisaq tamaat Sermitsiami saqqummertumi kingullermi atuaruk. Aviisi uani aamma pisiarisinnaavat:

Sermitsiaq Uge 36 2016

Klik her for at læse