Student on Ice
Students on Ice-mik angalanissami kalaallimik peqataasussamik ujarlertoqarpoq
Ukioq mannattaaq Students on Icep inuusuttut nunarsuarmit tamarmeersut 100-t Issittumi ilisimasassarsiortillugit angalatissavaat. Peqataasussat ilaat ataaseq Nunatsinneersuussaaq
WWF Verdensnaturfonden-imit aningaasanik tapiiffigineqarluni inuusuttut 100-t nunarsuarmit tamarmeersut ukioq mannattaaq puigukkiussassaminnik Issittumi ilisimasassarsiortinneqassapput. Peqataasussat ilaat ataaseq Kalaallit Nunaanni ilinniartut akornanni toqqarneqassaaq, Verdensnaturfonden tusagassiorfinnut nalunaarutikkut allappoq.
Kalaallit Nunaat, Canada aamma Nunavut
Studewnts on Ice-mik ilisimasassarsiornermi, juulip 27-annit aggustip 10-annut ingerlanneqartussami, ilinniartut Kalaallit Nunaanni, Canadami Nunavummilu angallanneqassapput. Angalalermi inuusuttut Issittumi inuuneq pinngortitarlu ilisimasaqarfigilissavaat, tamatumalu saniatigut silap pissusiata allanngoriartorneranut attuumassutilimmik avatangiisitigut inuttullu ajornartorsiutit ilisimasaqarfigilissallugit.
Ilinniartut angalanermi umiarsuarmi M/V Ocean Endeavour-imi najugaqassapput, angalaffissatullu pilersaarutit taassuminnga angalassavaat. Aqqutaani ilinniartut angalaqatigissavaat ilisimatuut, oqaluttuarisaanermik ilisimatuut, ilinniartitsist, eqqumiitsuliortut kulturikkullu malunnaatillit, ilisimasaminnik ilinniartunut oqaluttuartussat.
Qinnuteqarnissamut killissarititaavoq marsip 15-iat
Ilinniartuuit 14 aamma 18 akornanni ukiulik, taava ilisimasassarsiornermi peqataanissannut qinnuteqarsinnaavutit. Qinnuteqarnissamut killissaritisaavoq marsip 15-iat 2015. Tiguneqarnissamut piumasaqaatit pillugit annertunerusumik atuarit WWF-ip nittartagaani uani www.wwf.dk