tusagassiutit

STTK unammillertitaassaaq

Illoqarfiit TV-qarfiisa radioqarfiisalu peqatigiiffiata STTKp nukittorsarnissaanik nalunaarut peqatigiiffim nutaamik Nuuk TVp aamma Arctic TVp suliniutaanik unitsitsinngilaq

Sinerissami takusassiiviit radioqarfiillu nukittunerusumik peqatigiiffeqalernissaannik isumaqatigiikkunnaartut arlaarnaalluunnit tunniutiinnarumanngilaq

Nuuk TV-mi aamma Arctic TV-mi siulersuisut aalajangiusimavaat sinerissami takusassiiviit radioqarfiillu peqatigiiffiannik nutaamik aallartitsiniarlutik. Tamanna pivoq STTK nutaami siulittaasortaarluni ingerlaqqinniaraluartoq.

- STTKp tutsuiginassusaa suli apeqquseqqavarput, Nuuk TV-mi siulersuisut siulittaasuat Peter Frederik Lyberth Sermitsiaq.AG-mut oqarpoq.

Taanna taama oqaaseqarpoq STTK nalunaareerdsoq ataasinngornermi ilaasortat ataatsimiisinneqarneranni isumaqatigiissutigineqarsimasoq STTK nutaamik siulittaasoqarluni ingerlaqqissasoq.

- Nuuk TV suli STTK-mi ilaasortaagaluarpoq ataasinngormalli ataatsimiinnermut aggersarneqarani. Pissutsit taamaattut pissutaapput peqatigiiffimmut tatiginninnginnitsinnut. Taamaammat peqatigiiffik nutaamik pilersitsiniarneq ingerlaqqippoq neriuppugullu peqatigiiffiit allat peqataalluarumaartut, Peter Frederik Lyberth oqarpoq.

Pilersitsilluni ataatsimeersuarneq aggustip 29-at pissaaq.

Powered by Labrador CMS