Stockholmimi lastbili inuit katersuuffianni aporaasoq

Stockholmip qeqqani Drottninggatanimi Sverigemi nalunaaqutaq malillugu ualikkut lastbili inuit katersuuffianni aporaavoq. Aviisi Aftonbladet allappoq.

Stockholmip qeqqani Drottninggatanimi Sverigemi nalunaaqutaq malillugu ualikkut lastbili inuit katersuuffianni aporaanerata kingorna, minnerpaamik inuit marluk toqutaapput. Nutaarsiassaqartitsivik Reuters allappoq.

Aviisi Aftonbladet naapertorlugu inuit pingasut toqunneqartut politiinersunit tusarfinnit oqaatigineqarsimavoq.

Peqqarniisaarniarluni saassussisoqarneranik pasinnittoqartoq, Stockholmimi politiit SVT Nyhederimut ilisimatitsipput.

Politiit sakkulisartut pisiniarfissuup Åhlénsip eqqaani nikorfasut igipput. Taamaalinerani inuit arpalerput, aviisimi tusagassiortoq oqaluttuarpoq.

- Takusinnaanngilara aquttoqarnersoq, kisianni aquttoqanngitsutut ingerlavoq. Minnerpaamik inuit marluk aporneqartut takuakka. Sapinngisara tamaat arpallunga tassanngaanniit qimaavunga, takunnittoq Dimitris Aftonbladetimut oqarpoq.

Lastbili Odenplanimit Åhlénsip tungaanut ingerlasoq, takunnittoq alla Elin Stjerngren oqaluttuarpoq.

Lastbili ikuallalerpoq, qatserisartullu biilii 20 tassaniipput. Ikuallattoq qaminniarsaralugu ajoqusertut ikiorniarsarigitsik, Stockholmip qatserisartuini oqaaseqartartoq Sverigep Radioanut oqarpoq.