nok er nok

Steen Lynge: Politikerinik saassussineq unitsilli

Steen Lynge, Atassut kikkut tamat kaammattorpai politikerinik qitseraasaqqunagit, emailsinik akeqqersimaaqisunik nassiussisarunnaaqqullugit allatulluunniit inuiaqatigiinni oqallinnermik aseruisinnaasunik pissusilersorunnaaqqullugit

Piffissami kingullermi nutaarsaqartitsivinni saqqummertaqattaarpoq inuit politikkikkut suliaqartut oqaatsit atorlugit imaluunniit email-kkut saassunneqartarsimasut, allaat ilaat qitserartuisut. Soorlu Demokraatit siulittaasuat Jens B. Frederiksen taamannak pineqarsimasoq.

- Taamatut politikkikkut suliaqartunut eqqunngitsuliortarnerit politikkimik akerliunermik tunngavilersorneqartarsimapput. Saassunneqartut arlallit ilaatigut maannakkut illuatungiliuttuusut oqaatigineqarpoq, taakkalu siuttuugallaramik nunatsinnik ajortisaarisimasutut pisuutinniarneqartarsimallutik, Steen Lynge mailikkut Sermitsiaq.AG-mut allappoq.

- Taamatut inoqatinut politikkimik ingerlatsisunut pissusilersorneq akuersaarneqarsinnaanngilaq. Saassussinerit - oqallinnerunngitsut -qanorluunniit suunngitsigigaluaraangata akuersaarneqarsinnaanngillat.

- Politikkerit tamarmik nunatsinnik ajunnginnerpaaq anguniarlugu suliniuteqartarput. Tamanna akuerineqartariaqarpoq ataqqineqarlunilu. Politikki ingerlanneqartoq ingerlanneqarsimasorluunniit isumaqataafigigaanni isumaqataaffiginngikkaanniluunniit ataqqisariaqarparput, Steen Lynge erseqqissaavoq.

Powered by Labrador CMS