isumasioqatigiinneq
Statsministerip Kalaallit Nunaannik suleqateqarnera ingerlalluarpa?
Helle Thorning-Schmidt aamma Martin Lidegaard Folketingip Kalaallit Nunaannut tunngasunut ataatsimiititaliaanit isumasioqatiginiarlugit aggersarneqarput
Folketingip Kalaallit Nunaannut tunngasunut ataatsimiititaliaata statsministeri Helle Thorning-Schmidt aamma nunanut allanut tunngasunut ministeri Radikale Venstrenerrsoq Martin Lidegaard isumasioqatiginiarlugit qaaqquaaat.
Venstremit Troels Lund Poulsen isumasioqatigiisitsinissamut aggersaasuusoq KNR-imit allaaserineqarpoq.
Helle Thorning-Scmidtip ukiuni sisamanngulersuni statsministeriunerata nalaani danskit aamma kalaallit naalakkersuisuisa akornanni pissutsit qanoq ineriartorfiusimanersut isumasioqatigiinnermi sammineqassapput.
Kalaallit Nunaata Danmarkillu piffissami tassani suliat arlallit peqatigiillutik suliarivaat. Pituffimmi sakkutooqarfimmi kiffartuussinissamik isumaqatigiissummut tunngasoq, EU-p puisit amii pillugit aalajangersagaa suli ingerlasoq kiisalu Issittumi nunap ilaanik piginnittussaanermik piumasaqaatit kiisalu Naalagaaffiit Peqatigiit imartanik piginnittuuneq pillugu ataatsimiititaliarsuannut suliassanngortinneqartut ilaatigut suliarineqarput.