inuttalersuinermut maleruaqqusat

SP inuttalersuinermut maleruaqqusanik isornartorsiuinera Siumup akissuteqarfigaa

Karl-Kristian Krusep (S) kalaallit kilisaataanni 90 procentiisa kalaaliunissaannik siunnersuuteqarnera, Sulisitsisut Peqatigiffianit sakkortuumik isornartorsiorneqarpoq. Isornartorsiuinermulli Siumut akissuteqarpoq

Siumuts politiske ordfører, Jess Svane, forsvarer den nye bekendtgørelse med krav om, at 90 procent af officererne på de grønlandske trawlere skal være grønlændere. Og kommer med en række opfordringer til GE.

Arne Mølgaard

Sorlannguaq Petersen

ataasinng 16. okt 2017 15:15

Annonse

Soqutigisaqatigiiffik Sulisitsisut Kattuffiat (GE) aalisarnermut piniarnermut naalakkersuisoq Karl-Kristian Kruse Naalakkersuisoqarfialu nalunaarusiami nutaami politikkikkut tunngavigineqartut ujartorlugit sakkortuumik isornartorsiorpaa, nalunaarusiarlu nutaaq aalisarnermut kingunerlutsitsisinnaasoq isumaqarlutik.

Aamma atuaruk: Sulisitsisut: Kruse naalagarsuartut pissusilersorpoq

Sermitsiaq.AG Aalisarnermut Piniarnermullu Naalakkersuisoqarfimmit paasitinneqarpoq aalisarnermik ingerlataqartut inuttalersueriaatsimut maleruaqqusanut nutaanut naammassissinnaanerat uppernarsaatilimmik misissuiffigineqarsimanngitsoq.

Tupaallaatigineqanngitsoq

- Kalaallit Nunatsinni kilisaatini aqumiut 90 procentiisa kalaaliunissaannik Aalisarneq pillugu Inatsisikkoorlugu Naalakkersuisut piumasaqaqataannut GE-iip sakkortuuliorluni akerliunera Siumumut takornartaanngilluinnarpoq, Siumup politikikkut oqaaseqartartua Jess Svane, tusagassiiuutinut nalunaarummi GE'mut akissuteqarpoq.

Aamma atuaruk: Inuttalersuinermut malittarisassat sattaaserluni ingerlanneqartut

- Siumumiit ukiorpassuanngortuni nalunngilluarparput GA maannakkut GE tassaasoq Kalaallinut iluaqutissaasunut Kalaallillu Nunaata aningaasarsiorluarnissaanut periarfissanut akerliujuaannartoq, Siumup politikikkut oqaaseqartartua oqarpoq.

Kaammattuuterpassuit

Partiilu Sulisitsisut Kattuffianut suleqatigiissutigisinnaasaminnik arlalinnik kaammattuuteqarpoq:

Kilisaatini Umiarsuarnilu assartuutini aqumiut kalaallit amerlanerulernissaannik
suliniuteqarnermi.
Suliffeqarfinni tamani pisortat Kalaallit amerlanerulernissaannik suliniuteqarnermi.
Namminersortutut inuussutissarsiuteqartut Kalaallit amerlanerulernissaannik suliniuteqarnermi.
Kalaallit Nunaanniit aalisagarpassuit iluanaarutitaqanngitsumik Danmarkimut annissuuneqarnerisa unitsinneqarnissaa suleqataaffigeqqullugu.
Inuusuttorpassuit inuussutissarsiutitigut ilinniagaqartut praktikkerfissaqanngitsut praktikkerfissaqalernissaat suleqataaffigeqqullugu.

- Sorpassuit taajunngikkaluarlugit GE qinnuvigaarput Kalaallit Nunaanni sulisitsisunut kattuffiummat Kalaallit Nunaannut Kalaallinullu iluaqutaasussanut suleqataaqqullugu.