Misileraasoq

Sørenip naatsiaatai kusanartut

Kangerlummi innuttaasut aggustip naanerani nuannersumik tupaallatsinneqarput, Søren Kristianseni naatsiianik misiliummik naatitaminik aaviminermut igaanut akussaminik katersimmat

Søren Kristiansenip ukioq manna misiliutaasut siullermeerluni takusussanngorpai

Søren Kristiansen, Kangerlummi ukiut kingulliit ingerlanerini naatsiaanik misiliilluni naatitsinermik ingerlataqartoq, naatsiivimmini marluusuni naatsiianik misilitassaminik aggustip naanerani katersivoq.

Naatsiiat kusanartut siulliit, nunamit issorissumit, ikiortini peqatigalugit katersorpai. Søren Kristiasenip nunaminertat, nunaqarfiup qanittuaniittut, marluk aasaq manna naatitsivigai. Ingerlaannarlu paasinarsivoq misiliineq iluatsilluarsimasoq. Naatsiiat inerilluarsimasut nutaajupput angisuujullutillu.

Naatsiianik misileraasoq ikiortaalu ullormi tassani aaviminermik uutassaminnik piareersaareersimasut, naatsiianik nutaarluinnarnik naatsiialerlutik nerilluarput. Søren Kristiansen oqarpoq, ukioq manna misiliutaasut naatsorsuutigisamit iluatsilluarnerusimasut, tamannalu suli annertunerusumik misileeqqinnissaannt nukissaqalersitsivoq.

Aviisimi Tamanut Avannaani tulliani saqqummernissussami pilersaarutai takorluugaalu atuakkit. Aamma Tamanut Avannaani saqqummersoq kingulleq uani atuaruk:

Powered by Labrador CMS