Søren Espersen: Isumaqatigiissut sanaartugassanik suliassinneqartartut suleqatiginissaanik taamaatitsineruvoq
CCCC-ip mittarfiliornissanut atatillugu suleqataasinnaajunnaartoq Søren Espersenip (DF) nuannaarutigaa. Danmarkip Kalaallit Nunaatalu isumaqatigiinnerannut atatillugu taama oqaaseqarpoq
Nunatsinni mittarfiliornissanut aningaasaliissuteqarnissanut Danmarkip misissuinissaa Lars Løkke Rasmussenip Kim Kielsenillu isumaqatigiissutigaat.
Taama isumaqatigiittoqarnera Søren Espersenimit (DF) isumaqatigineqarpoq.
- Isumaqatigiittoqarnera nuannaarutigeqaara, oqarpoq.
Kiniiserit Kalaallit Nunaanut attuumassuteqannginnissaat nuannaarutigaa.
- Aallaqqaataaniilli taamatut suleriuseqartoqarsimasussaagaluarpoq, Søren Espersen oqarpoq.
China Communications Construction Companyp (CCCC) Kalaallit Nunaannut sunniuteqarnissaa Søren Espersenimit ernumagineqarsimavoq.
Mittarfiliornissanut aningaasaliissuteqarnissaq Lars Løkkemit Kim Kielsenimiillu kisimi isumaqatigiissutigineqaraluartoq Søren Espersen inerniliivoq CCCC Kalaallit Nunaanni, isumaqatigiissuteqareertoqarnerata kingorna, sunniuteqarsinnaajunnaartoq.
- Taamaasilluni kiniiserit aningaasaliisinnaanerat killilerneqarpoq, oqarpoq.