Poqersut aallartartut
Soorunami nunatsinnut uterumaarpugut
Inuusuttut qaffasinnerusumik ilinniagaqarniartut piffissap ilaani Nunatsinnit aallartariaqartarput. Apeqquterujussuuvoq nunaminnut uteqqissanersut. Kisitsisitigut takussutissiat takutippaat nunamit aallartut, nunatsinnut utertunit amerlanerusut. Inuusuttulli namminneq qanoq oqarpat?
Kalaallit nunatsinnit aallartartut, kalaallinit nunatsinnut utertartunit amerlanerupput. Nunatsinni inunngorsimasut 22,8 procentii Kalaallit Nunaata avataani najugaqarput. Immikkullu 30-40-nik ukiullit qiviassagaanni tamakkua 31,6 procentii nunani allani najugaqarput.
Tamanna takuneqarsinnaavoq Aningaasaqarnermut Siunnersuisoqatigiit nalunaarusiaanni 2013-imeersumi. Tasss imaannerpaa kalaallit, Danmarkimut ilinniariartut atorfinillutik Danmarkimiiginnartartut? Imaluunniit Kalaallit Nunaannut utertarpat? Ilinniagaqartut aperigaanni sunnguamilluunniit qularuteqanngillat. Kalaallit Nunaannut utissamaarput.
Aviaja Lyberth Hauptmann, 28-nik ukiulik, DTU-mi ph.d.-tut ilinniagaqarpoq. Sisimiuni inunngorsimavoq, qulinilli ukioqarluni angajoqqaanilu Danmarkimi Jægerspris-imut nuussimavoq. Danmarkimi attaveqarfippassuaaqarpoq, angutaa suli Danmarkimi najugaqarpoq, aappaalu qallunaajuvoq. Nunatsinnulli aamma sakkortuumik atassuteqarpoq, arni ullumikkut Nunatsinni najugaqarmat. Qularutiginngilaalu Kalaallit Nunaannut uterumaarluni.
– Aapparalu arlaleriarluta oqaluuserisarsimavarput piffissap ilaani Kalaallit Nunaanni najugaqarniarluta. Ukiuni arlalinni ukiut tamaasa qaammatini arlalinni Nuummiittarsimavunga tassanilu ilisarisimasarpassuaqarlunga. Nuummi biotek-imut imaluunniit Kalaallit Nunaata Universitetiamut Ilimmarfimmut attuumassutilimmik aallartitserusuppunga, Aviaja Lyberth Hauptmann oqaluttuarpoq.
Allaaserisaq tamaat uani sapaatit akunnerani Sermitsiami atuaruk. Aviisi uani pisiarisinnaavat: