Sooruna Naalakkersuisut siulersuisunut toqqartaraat?

Ullumi ataasinngornermi Inatsisartut Siumumeersup Suka K. Frederiksenip siunnersuutaa, Nunatsinni ingerlatsiviit pisortanit pigineqartut siulersuisuini ilaasortaasa affaat sumi najugaqarnerannut piumasaqaammut tunngasoq suliaraat.

Atuaruk: Siulersuisuni danskit killilersorneqarlik

Piginnaasaq pitsaasoq
Peqatigiiffimmit Transparency International Greenlandimit isumaqartoqarpoq, siunnersuut ataatsimut isigalugu, Naalakkersuisut siulersuisunut ilaasortat taakku sooq toqqartarneraat ammaffigineqarnerunissaannut piumasaqaataasoq.

- Siulersuisuni ilaasortat sumi najugaqarnissaat isumaqarfiginngilarput, aamma Kalaallit Nunaannut ilisimasaqarneq namminersorlutik oqartussani ingerlatsivinni siulersuisunut ilaasortanut piginnaasaq pitsaasuutipparput, Transparency ataatsimut oqaaseqaammi allapput.

Piginnaasanik toqqaanissamik piumasaqartut
- Siulersuisuni pikkorissunik katitigaasunik najukkaminngaanneerneq piginnaasaasinnaavoq, kisianni Transparency International Greenlandimi isumaqarpugut, piginnaassap taassuma piginnaasat allat pisariaqartinneqartut qalliinnassanngikkai.

Namminersorlutik Oqartussat suliaasa uppernarsaataannik saqqummiinerujussuunissaannik peqatigiiffiup takorusuttup, taakku siulersuisunut piginnaasat suut piumasarisarneraat ammassutigineqarnerunissaat, aamma qanoq siulersuisunut ilaasortanit naammassineqartarnersut amigaatigaat.

'Naatsorsuutigisasi oqaluttuarisigit'
Tassami soqutigisanik aporaaffiusinnaavoq, siulittaasup tulliata oqaatigaa.

- Siulersuisuni ilaasortanik toqqartuinerup nalaani soorunami malunnaarsaarneq pisariaqartinneqarsinnaavoq, kisianni Tranparencyp takorusussinnaavaa, piginnittup ammanerulernissaa aamma siulersuisunut ilaasortanut toqqaanini tunngavilersornissaa, ilaasortallu ataasiakkaat siulersuisuni sukkut iluaqutaanissaat naatsorsuutigineqarnersoq, Jakob Strøm oqarpoq.

Atuaruk: Siulersuisuni danskit killilersorneqarlik

Iliuusissaq nutaaq: Aasaanerani atuanngiffeqarninni angerlarit!