Sooq quisaarutit aalassassimaarutigisarpagut?

Arlallit eqqaamagunarpaat KNR-ip inuusuttunut aaqqissuisoqarfia 2012-imi maajimi ajuusaaruteqarluni nalunaaruteqarmat ‘Doris Droninngip nalliuttorsiutiginerani’ ilanngussaq pillugu. Taamani isiginnaartorpassuit naammagittaalliorput ‘Labrador Kangian’ killissaminik qaangiinerarlugu.

Kisianni sooruna taama aalassassimaartigisartugut?

Cand. mag. Rosannguaq Rossenip misilitsissutini’ Politisk og samfundssatire som talerør i Grønland’ Kalaallit Illuutaanni Københavnimi 22. oktober pillugu saqqumiussaqassaaq.

Atuaruk: KNR'ip Doris-imut tunngasoq ajuusaarutigaa

Saqqummiussinermini Rosannguaq Rossenip oqaluttuarissavaa sooq taama sakkortutigisumik quisaarilluni aallakaatitassianut nunatsinni qisuariartoqartarnersoq. Aamma aallakaatitassiat nunatsinnut qanoq isumaqarnersut qaqikkumaarpaa.

Rosannguaq Rossenip inaarutaasumik misilitsissutigisani quiasaarilluni aallakaatitassiat ‘Labrador Kangian’ aamma ‘Kalak’ toqqammavigalugit suliaraa. Aallakaatitassiat taakkua marluk 2011-mi aamma 2013-imi innuttaasunut qisuariartitsigaatsiarput.

Rosannguaq Rossen 2014-mi cand. mag-itut Ilisimatusarfimmi naammassivoq. Naammassissutaa ‘Politisk og samfundssatire som talerør i Grønland’ Ilisimatusarfiup nittartagaani kingusinnerusukkut aaneqarsinnaalerumaarpoq.

Atuaruk: Aana KNR aallakaatitatut uggoreqisaa