aatsitassarsiorneq
Sooq IA-p suliniut unitsiinnaarsimanngilaa
Inatsisartunut ilaasortaq Siumumilu politikkikkut oqaaseqartartoq Jens-Erik Kirkegaard taama aperaaq
Sapaatit akunnerani qaangiuttumi Sermitsiami siusinnerusukkut IA-mi Naalakkersuisunilu siulittaasuussimasoq Kuupik Kleist oqarpoq nammineq naalakkersuisuutitaqarnermi nalaani GME Kuannersuarni uranimik piiaanissaminut akuersissuteqarfigineqarnissaminik neriorsorneqarsimanngisaannartoq.
Uppernarsarpaa naalakkersuisuutitami taamaallaat aatsitassanik misissuinissamik akuersissuteqarfigisimagaa, GME-lu piiaanissamut akuersissummik pissarsinissani naatsorsuutigissallugu tunngavissaqanngitsoq.
Piiaanissamik akuersissut
Tamanna peqqutigalugu Siumumi naalakkersuinikkut oqaaseqartartoq Jens-Erik Kirkegaard allaaserisaqarpoq.
- Kuupik Kleistip Ove Karl Berthelsenillu tunngavilersuutaat ajunngillat, pingaarnertulli inuttaasut aamma erseqqissarpaat GME-p naatsorsuutigissanngikkaa piiaanissamut akuerineqarnissani, soormi taava suliniut unitsinngilaat?
- Ilisimasakka malillugit GME’p 2011-mi suliniummik unitsinnissaa piareersimaffigaa, uranimik ujaasinissaminut akuersissuteqannginnamik, oqarpoq.
- Soormi suliniut unitsinneqanngila qanoq ilisukkulluunniit piiaanissamut akuersissummik tunniussisoqartussaanngippat, Jens-Erik Kirkegaard siusinnerusukkut aatsitassanut naalakkersuisuunermini GME-mut suliamik ilisiasaqarluartoq aperaaq.
Ingerlariaqqinnissamut aqqutissiuussisut
- Taamanikkut naalakkersuisut IA-mi siuttoqarlutik tikkuussipput taamaalilluni GME suliniutimini ingerlariaqqissinnaalluni taamaaliornerminilu sulimilliuunit arlaqartut atorlugit.
- Akerliugaanni tamanna pimoorussinnginnerunngila? Oqartoqaannarsimassagaluarpoq naagga, uranimik piiaasoqanngivittussaavoq, Jens-Erik Kirkegaardip tikkuarpaa.
Allaaserineqartoq aviisimi Sermitsiami tamaat atuarneqarsinnaavoq. Aviisi aamma uani pisiarineqarsinnaavoq: