ataatsimeersuarneq
Sofie Petersen aamma Desmond Tutu naalagiartitseqatigiissapput
Nunat assigiinngitsut silap pissusaa pillugu ataatsimeersuartitsisoqarneranut atatillugu Københavnip oqaluffissuani unnugu naalagiartitsisoqassaaq
Københavnip oqaluffissuani, Vor Frue Kirkemi naalagiartitsisoqassaaq nunat assigiinngitsut peqataaffigisaannik unnugu marlunngornermi nalunaaqutaq 20.00-mit.
Silap pissusaa pillugu Københavnimi nunat tamalaat ataatsimeersuarnissaannut atatillugu naalagiartitsisoqassaaq.
Naalagiartitsinermi neriulersitsinissaq, nukissaninnissaq kiisalu silap pissusaa pillugu sulinialertoqarnissaa pillugit naalagiartitsisoqassaaq.
Biskoppiuneq Desmond Tutu Sydafrikamit videokkut atuaassaaq, kiisalu Nunatta biskoppia Sofie Petersen oqaluffimmi naalagiartitsissalluni. Filmiliaritittartumik ilisimaneqartumik oqaaseqartoqassaaq, meeqqat tussiassapput kiisalu Michael Jacksonip atugaa ’Heal the World’ appinneqassalluni.
Bispekontoretimit Morten Nornild Sermitsiaq.AG-mut nalunaarpoq.
Naalagiaqatigiinnissamut aggersaapput, tamattami silap pissusaa malugisaratsigu pitsaanerusoq anguniarlugu naalagiaqatigiittoqarnissaani aggersaalluni.
FN-ip silap pissusaata ataatsimiittartui nalunaarusiamik nutaamik saqqummiissapput, tassani FN-imi generalsekretæri Ban Ki-moon peqataassaaq sapaatiuppat.