Skip to main content

Sofia, qinersineq iluatsinngitsoorpa? Naamerluinnaq

Aallakaatitsinermik ingerlatsisoq Sofia Geisler qineqqusaarnermi kingorna IA-mit Inatsisartunut ilaasortanngorpoq, tassani apeqqutinut ilinniartitaanermut tunngasunik qineqqusaaruteqarpoq. Kisianni ilinniartitaanermut ataatsimiititaliamut ilaasortanngunngilaq, tusagassiortuusimasorlu aalisarnermut ataatsimiitaliamut ilaasortanngorpoq.

Sofia Geislerip ataatsimiititaliami ilaasortaaffini ilinniartitaanermut ataatsimiititaliaappat pitsaanerpaassagaluartoq nassuerutigisinnaavaa- Tassami ilinniartitaanermut apeqqutit suliarerusunnerpaagamigit, tamannalu qineqqusaarnerani saqqummerpoq.

Pakatsivit? Qinersineq ilinnut iluatsinngitsoorpa?

- Naagga, taamaanngilluinnarpunga. Aalisarnermut ataatsimiititaliami ilaasortaalluni aalisarnermut inatsimmik nunatsinnut pingaaruteqartumut ilusilersueqataaneq, unammilligassaq soqutiginarluinnartuuvoq. Tamanna uannut ataqqinarluinnarpoq, Sofia Geisler naqissusiivoq, ukiorpassuit matuma siorna Royal Greenlandimi attaveqaqatigiinnermut pisortaanikuunerminit maanna suliassaqarfimmi oqimaatsumi nutaanik ilisimasanik pissarsiniassalluni nassuerutigaa.

Pitsaanerpaaq

- Soorunami ilinniartitaanermut ataatsimiititaliami ilaasortanngorsimasuuguma uannut pitsaanerpaasimassagaluarpoq, kisianni partiip gruppiani aamma Inatsisartuni apeqqutinut ilinniartitaanermut tunngasuni sunniuteqarsinnaassaanga, Inatsisartunut ilaasortaq nutaaq oqarpoq, taanna aalisarnermut ataatsimiititaliami angutinik pissaanilinnik ilaasortaaqateqassaaq.

- Nalunngilluinnarpara tikkuakkat pineqarsinnaanngitsut. Demokratiimik ingerlatsinermi atugassat taamaapput, taanna oqarpoq, allanillu ilaasortaaffeqalersimanini oqaatigalugu.

Nunata Avannarliit Siunnersuisoqatigiivi

Taanna ilaatigut Kukkunersiuinermut ataatsimiititaliami aamma Nunat Avannarliit Siunnersuisoqatigiinni Nunarput sinnerlugu ilaasortaaffiit marluusut aappaa pissarsiaraa. Kingulleq taakkartorneqartoq qilanaarutigaa.

- Siornatigut Nordens Institutimi Finlandimi ukiuni arfineq-marlunni siulersuisunut ilaasortaanikuunga. Namminersorlutik Oqartussanit toqqakkatut. Taamaammat suliassat assigiinngitsut aamma Nunat Avannarliit Siunnersuisoqatigiit aaqqissuussaanerat nalunngilakka. Suliassaq annertulluni soqutiginarpoq, Sofia Geisler oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER