Folketingi
Søren Espersen: Aningaasaqarnikkut ajalusoorneq tullinnguuppoq
Danmarkimit pakatsilluta - ilisimaarinnilluarluta isigiinnarparput, Kalaallit Nunaata aningaasaqarnerata ajalusoornissaa tullinnguuttoq, DF-imi politikeri oqallissaarummini ilaatigut allappoq
Dansk Folkepartiimeersoq Søren Espersen, Folketingimi nunanut allanut tunngasunut ataatsimiititaliami siulittaasuusoq, Nunatsinnut sakkortuumik isornartorsiueqqippoq.
Tamanna Jyllands-Postenimi oqallissaarummik ilanngussinerani pivoq.
Atuaruk: Aleqa Hammondip DF-meersoq 'akerlerisatsialattut' toqqarpaa
Aningaasaqarnikkut tamaviaartoqartoq
Nunatsinnut mianersoqqussutit siarngi nipiliortut, taanna isumaqarpoq. Taassuma aningaasaqarnermut politikkip naleqqussarneqarnera ukiut tamaasa 750 millionit koruuninik annertutigisumol 2040-p tungaanut pisariaqartinneqarnera uissuummissutigaa.
- Aningaasaqarnermummi politikki naleqqussarnissaanut marlunnik periarfissaqarpoq: Pisortani aningaasartuutit ikilineqarsinnaapput, tamanna aaqqiissut ajornarpoq. Isumaginninnittoqarfik aamma peqqinnissaqarfik tamaviaarnerpaaffissaminiipput.
- Kiisalu isertitat annertusineqarsinnaappit, taakkulu piviusorsiunngillat: Naalagaaffimmit tapiissutit inatsisitigut aalajangersagaapput, aatsitassanit isertitaqartoqanngilaq, aamma akileraarutit qaffakkaluaraanniluunniit taarsiussisinnaanngillat, taanna allappoq.
Atuaruk: Dansk Folkepartip namminersorluni oqartussaqarneq utertinniarpaa
Takornariaqarnermut iliuuseqartoqarli
Takornariaqarnermut tunngatillugu, Islandimut qiviartoqarnissaa taassuma kajumissaarutigaa. Islandip takornariaqarneq aallussimagaa aammalu pisariaqartunik aningaasaliisimasoq taamaalilluni tikeraanut neqerooruterpassuaqarnera, taassuma erseqqissaatigaa.
Kalaallit tungaannit isumaqartoqarpoq mittarfiit takissusaat apeqqutaasut. Islandilli takornarianit ornigarluarneqartarneranut pissutsit tunngaviulluinnartut allat pissutaasut, uanga isiginninnera naapertorlugu Kalaallit Nunaat pilerinarnerujussuaq taamalisinnaanngilaq, Søren Espersen isornartorsiuivoq.
Namminersulivinnissamik oqalunneq puigorsiuk
Nunatta namminersulivinnissaq pillugu oqaluuserineqarneranut piffissaq annertuallaartoq atoraa, taanna isumaqarpoq.
- Danmarkimit pakatsilluta - ilisimaarinnilluarluta isigiinnarparput, Kalaallit Nunaata aningaasaqarnerata ajalusoornissaa tullinnguuttoq.
- Illuanik kalaallit politikerit akornanni naassaanngitsumik tuikkut pattalaartoqarpoq - aammalu naassaanngitsumik ataatsimut neriorsuuteqartoqarpoq, 'namminersulivinnissamut sulivugut' - taamaaliortoqanngilluinnarporli, Søren Espersen oqarpoq.