festivalerneq
Small Time Giants Nanookikkullu Danmarkimi nipilersussapput
Nunat avannarliit nipilersornikkut festivaleqarneranni Københavnimi ingerlanneqartussami kalaallit nipilersortartut pingasut peqataassapput
Small Time Giants, Nanook kiisalu Rasmus Lyberth.
Nunat avannarliit nipilersornikkut festivaleqarnerani Danmarkimi ingerlanneqartussami nipilersussapput. Frigg Festival Københavnimi Kongens Have-mi ingerlanneqassaaq maajip qulingiluaannit qulingata tungaanut.
Kalaallit Nunaat saniatigut nunanit avannarlerneersut soorlu Savalimmiut, Island Danmarkilu peqataatitaqassapput.
- Ulluni festivalerfiusuni kulturikkut nuannattoqassaaq, nunanit avannarlerneersunit suliat eqqumiitsuliallu saqqummersinneqassapput, nerisassiat sassaalliutigineqassapput, immiaaqqat imillu nunanit avannarlerneersoqassaaq, tassa kulturikkut nuannersumik pikialaartitsisoqarumaarpoq. Nipilersortartut ilisimaneqanngitsut nipilersortinneqarumaarput, aaqqissuisut nalunaarput. Aamma allanik nipilersortussanik saqqummiussisoqarumaartoq oqaatigineqarpoq.
Friggfestival.com-imi pisussat atuarneqarsinnaapput