assit takukkit

Skakkernermik ikinngutit Islandimeersut Tunumiittut

Tasiilami, Kulusummi Tiniteqilaamilu innuttaasut skakkernermik ilinniartinneqarlutillu unammisinneqarput

Hrókurinn Hrókurinn Hrókurinn Hrókurinn Hrókurinn Hrókurinn Hrókurinn Hrókurinn Hrókurinn Hrókurinn Hrókurinn Hrókurinn

Ukiut aqqaneq marluk matuma siorna Islandimiut skakkernermut klubbiat Hrókurinn siullermik nunatsinnukaqqaarpoq skakkernermik ilinniartitsiniarluni. Tamanikkumiit klubbi taanna 30-riarluni nunatsinnukartitsivoq ilaatigut Qaqortumut, Upernavimmut Nuummullu skakkimik sungiusaajartorlutik. Nunatsinni meerarpassuit Hrókurinnip ilinniartitsineratigut skakkernerup nuannissusianik ilisimasaqalersimapput.

Hrókurinnip angalanera sapaatip akunnera ataatsimik sivisutigisussaq februaarip 19-ani aallartippoq.

Tasiilami, Kulusummi Tiniteqilaamilu atuarfiit, meeqqeriviit ornittakkallu pulaarneqarlutillu pulaarneqassapput, skakkernermik ilinniartitsisoqarluni, amerlasuunut unammilluni skakkimillu unammisoqarluni.

Nuannaarneq tunaartaralugu
Islandimi suliffeqarfiit inuinnaallu tunissutinik eqqugassanillu nassartitsipput.

Angalaneq aqagu pingasunngornerup tungaanut ingerlasussaq 'Nuannaarneq tunaartaralugu' oqariartuutigalugu angalasoqarpoq.

Air Iceland pisarnertut Hrókurinnip skakkimik siammarsaanerani pingaarnertut suleqataavoq, aningaasaliisulli annerit ilagaat Úrsus hf Islandimiullu qaqqasiortartut.

Hrókurinnip Tunumi angalanerani Hrafn Jökulsson, Róbert Lagermann, Jón Grétar Magnússon aamma Stefán Herbertsson peqataapput.

Assit ataani takuneqarsinnaapput

Powered by Labrador CMS