Skagen
Skagenimi toqutsineq: Sakku krydsnøgle ujarneqartoq nassaarineqarpoq
Nordjyllandip politiivisa maanna sakku krydsnøgleq, Skagenimi peqqarniitsumik toqutsinermi toqutsissutaasimasut ilagisinnaasaat pissarsiaraat
Nordjyllandimi politiit krydsnøglemik angummik kalaallimik 20-nik ukiulimmik Skagenimi januaarip 16-anni toqutsinermut atorneqarsimasinnaasumik ujaasigaluarput.
Taanna sakkoq politiit maanna nassaaraat.
- Ujaasinermut atatillugu innuttaasoq politiinut sianerpoq, taassumalu krydsnøgle sumiinnersoq oqaatigaa. Innuttaasup ivigalimmit peersimavaa, quimullu sikkiliisivimmut ilisimallugu, politikommissær Henrik Staal Nordjyske.dk-mut oqaluttuarpoq.
Misissorneqassasoq
Politiit misissuisartuisa maanna krydsnøgleq misissussavaat.
Toqutsinerup misissorneqarnerani krydsnøgleq pingaaruteqarpoq, angummik 20-nik ukiulimmik Skagavejimi inissiami Skagenimiittumi toqutsinermi sakkorineqartut ilagigunarmassuk.
Atuaruk: Angut kalaaleq inuusuttoq Skagenimi toqutaasoq
Angut peqqarniitsumik nakuuserfigineqarpoq, savimmillu arlaleriarluni kapineqarluni. Taanna ullut marluk qaangiummata aqqunartiternini toqqutigai.
Angutit pingasut suliami tigummigallarneqarlutik paarnaarussaaqqapput, inuillu allat pingasut pasineqarput.
Atuaruk: Iperagaasoq Skagenimi toqutsinermi suli pasineqartoq