KL

DK

Maniitsoq

Siverth K. Heilmann: Maniitsoq uummarissaqqinneqassaaq

Ineqarnermut Naalakkersuisoq Siverth K. Heilmann apriilip 15-ianni Maniitsumi innuttaasunik ataatsimiititsivoq, tassanilu blokkitoqqat isaterneqarnissaannik nutaanillu inissialiornissamik pilersaarutit saqqummiullugit

Maniitsup illoqarfiata ilaani Ivissuaateralanni inissiat isaterneqassapput. Illussanik titartaasarfiup Tegnestuen Qarsup Inissiaqarfik Qarsoq 234X titartasimavaa. Maniitsumi innuttaasunik ataatsimiititsinermi najuuttut inissiat nutaat sananeqartussat nuannareqaat
Mads Pedersen

Nunap sinneratulli Maniitsumi suliffissaaleqisoqaqaaq. Maniitsoq, illoqarfik aalisartoqarfik eqeersimaartuusimasoq unittoorsimavoq, taamatuttaarlu inissiat nutarterneqassaarsimallutik. Inissiarpassuit oqoqarput atortullu sananeqaataat stoffinik toqunartunik akulinnik, soorlu PCB-mik, akoqarlutik. Tamanna ineqarnermut Naalakkersuisup Siverth K. Heilmannip iliuuseqarfiginiarpaa.

- Maaniippunga Manitsumi pissutsit pitsanngorsarniarlugit. Maniitsumi innuttaasut ikiligaluttuinnarput. Pissutsit pitsaanerulersinneqassappata illoqarfik uummarsaqqittariaqarparput, Siverth K. Heilmann innuttaasunik ataatsimiititsinermi oqarpoq.

Allaaserineqartoq Sermitsiami tallimanngormat saqqummersumi tamaat atuarneqarsinnaavoq. Aviisi ataani pisiarineqarsinnaavoq:

nunatsinnit inuiagatigiit politikki
Powered by Labrador CMS