assit takukkit
Siusinaartumik utoqqalinersiat pillugit pikkorissartitsineq soqutigineqarluartoq
Siusinaartumik utoqqalinersianut malittarisassat nutaat, 2016-imi juunip aallaqqaataani atuutilersussat, pillugit pikkorissartitsinermi Kalaallit Nunaannit tamarmit peqataasut 100-t sinneqarput
Ilaqutariinnermut, Naligiissitaanermut Isumaginninnermullu Naalakkersuisoqarfik siusinaartumik soraarnerussutisianut malittarisassat nutaat, 2016-imi juulip aallaqaaataani atuutilersusat, pillugit inatsimmik pikkorissartitsivoq.
Pikkorissartitsinermi Nuummi maajip 2-anniit ullumi maajip 4-aannut ingerlanneqartumi tunumi Ittoqqortormiiniit kitaani Qaanaamut peqataasut 100-t sinneqarput.
Kommunit piareersarlugit
Pikkorissartitsinikkut kommunit piareersarneqarput siusinaartumik utoqqalinersiaqalernissamut Inatsisartut 2015-imi ukiakkut ataatsimiinnerminni akuersissutigisaannit malittarisassat nutaat atuutilersut, tamannalu Naalakkersuisut aaqqissuusseqqinnerannut ilaasoq.
Pikkorissartitsinermi aamma peqataapput socialrådgiverinngorniartut qulit, taamaasillutil siusinaartumik utoqqalinersiat qanoq suliarineqartarnissaannik ilisimasaqalissallutik.
Amerlanerusut sulisartunngorsinnaapput
Naalakkersuisut naapertorlugit malittarisassat nutaat ilaatigut kinguerissavaat siusinaartumik utoqqalinersiallit sulisinnaassuseqartut amerlanerujussuit sulisartoqarnermut attuumassuteqalersinnaanerat.
Taamaattumik siusinaartumik utoqqalinersiallit amerlasuut sulisinnaassusiat qulaajarneqassaaq. Siunertaavoq tamakkua sulisinnaasusiata ineriartortinnissaa, assersuutigalugu suleqqilernissamut peqqissarnikkut.
– Iluarsimaartorujussuuvara ataasiakkaat sulisinnaassusiat sammineqalissammat, ukiorpassuarni ikiorsiissutinik isertitaqartarnermut taarsiullugu, isumaginninnermut naalakkersuisoq Martha Lund Olsen (S) tusagassiorfinnut nalunaarutikkut oqarpoq.
Nuummi Hotel Hans Egedemi pikkorissartitsinermit assit ataani takukkit