Siunnersuut: Maanna nermallaat tamarmik taaguuserneqassapput
Illoqarfiit pingaarnersaat ineriartupallappoq aammalu aqqusernit nermallaallu amerliartuinnarlutik. Aqqusernit nermallaallu qanoq taaguuserneqassappat? Apeqqut tamanna immikkut siunnersuisoqatigiit kommunimut innersuussutigissavaat
Aningaasaqarnermut- Inuussutissarsiornermullu ataatsimiititaq 22. martsimi ataatsimiileruni, Nuummi Suliffeqarfimmut Kiffartuussiviup Sumiiffinnik Aqquserngillu Taaguutaannik Siunnersuisoqatigiinni kikkunnik ilaasortaaffigineqarnissaanik inassuteqaataa akuerissavaa
Ilaasortat
- Paamiuni, Tasiilami Ittoqqortoormiinilu siunnersuisoqatigiinnik aamma pilersitsisoqassasoq, inassuteqaammi allassimavoq.
Uku siunnersuisoqatigiinni ilaasortanngornissaat inassutigineqarpoq:
- Marianne Petersen, Translatøri
- Lisathe Kruse Møller, Oqaasileriffimmi Immikkut Siunnersorti
- Frederik Holm, Illussanik Titartaasartoq Nuummilu innuttaq
- Tittus Dalager, Bygningskonstruktør aamma Sanarfinermut Avatangiisinullu Ingerlatsivimmi atorfilik
- Johannes Heilmann, NAPP-miit aallartitaq
- Salik Hard, Sunngiffimmi Aalisarnermut Piniarnermullu peqatigiiffimmiit aallartitaq
- Siunnersuisoqatigiinnik pilersitsinermi Kommunalbestyrelsimut ilaasortap Uju Petersenip kaajallattarissanik taaguusersuinissamik siunnersuutaa, aammalu Kommunalbestyrelsimut ilaasortap Storm Ludvigsenip Lars Miilu Lund atsiullugu aqqusinermik taaguusiinissamik siunnersuutaa ikorfartorneqassaaq, allassimavoq.
Akissarsitinneqartassanngitsut
Siunnersuisoqatigiit akissarsitinneqartassanngillat, siunnersuisoqatigiilli ataatsimiileraangata nerisaqarnerat taamaallaat aningaasartuutigineqartassaaq.
Siunnersuisoqatigiit upernaami ataatsimiinnermi inissinneqarnissaat, pilersaarutaavoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...