umimmaat
Siunnersuut: Umimmaat Paamiunut qaninnerusumut nuunneqarlik
Paamiuni piniartut umimmattassiissutit tamakkerneq ajorpaat. Taamaammat umimmaat qulit Paamiut eqqaannut nuunneqarnissaa siunnersuutigineqarpoq.
Kommunalbestyrelsimut ilaasortaq Henrik Rachlclev IA-meersoq, umimmaat qulit Arsup eqqaanit Paamiunut qaninnerulersillugit nuunneqarnissaannik siunnersuuteqartuuvoq.
Tunngavilersuut
Henrik Rachlev tunngavilersuummi ilaasortaqatiminut ima allappoq:
- Umimmannik pisassiisarneq malillugu umimmat arsuup eqqaaniittut piniarneqartarput, maannakkullu oqariartuutigineqartalerpoq amerlavallaalersut piniarneqartaraluarlutik ikiliartunngillat. Piniartut Paamiunniittut ungasigalugu piniariartarnerat unitsiinnartarmassuk maannamut pisassiissutit nungunneq ajorpaat affaaluunniit pisarineqarneq ajorput. Paamiuni aalisartut piniartullu kissaatigaat Paamiut eqqaanut umimmaliinissaq piumallugu, taama oqariartuuteqarpoq.
Henrik Rachlev ima siunnersuuteqarpoq:
- Umimmaat qulit nuunneqassapput
- Ukiuni 10-lini nakkutigineqartarnissaat piumasaqaatigineqassaaq. Nakkutilliisunit tikinneqartarnissaat ukiut tamaasa pissasoq pimasaqaatigineqarpoq
- Ukiuni 10-lini eqqissisimatitaanerat atuutinneqaqqaassaapput. Paaqqutarianeqassallutillu
Nerisassaqarnissamik suliffissaqarnissamillu qulakkeerissasoq
Siunissami nerisassaqarnissamik aamma suliffissaqartitsinissamik qulakkeerinissaa qularinngilaa.
Borgmesterip allatseqarfiata kommunalbestyrelsimut inassuteqaatigaa, siunnersuut kommunalbestyrelsimit oqaluuserineqassasoq aamma siunnersuut pillugu ingerlariaqqinnissaq aalajangiiffigineqassasoq.