qinersineq
Siunnersuisooqatigiit: Qineqqusaarnermi uku oqallisigineqarlik
Inuiaqatigiinnut pingaasuteqartut qineqqusaarnermi oqallisigineqartariaqartut Aningaasaqarnermut Siunnersuisooqatigiinnit oqaatigineqarpoq
Aningaasaqarnermut Siunnersuisooqatigiit nalunaarusiaanni 'Nunatta Aningaasaqarna 2014'-mi ilaatigut nalilerneqarpoq aningaasaqarnikkut nammineq napatilernissaq qanilliartunngitsoq.
Aaqqissuusseqqinnerit pisariaqartinneqartut suli aallartinneqarsimannginnerat Siunnersuisooqatigiinnit GA-miillu uggornartinneqarpoq.
- Inatsisartunut qinersisoqartussaanera aningaasaqarneq isigalugu pitsaanerulersitsinngilaq, Aningaasaqarnermut Siunnersuisooqatigiit siulittaasuat Torben M. Andersen oqarpoq.
- Naalakkersuisuusimasut oqariartuuteqaraluarput suliassat assigiinngitsut pilersaarusiorneqassasut. Tamannali kinguartittaqariaqalerpoq, DR-imut oqarpoq.
Aatsitassarsiorneq ilinniarnerlu
Aningaasaqarneq ilorraap tungaanut saatinneqassappat aatsitassarsiorfinnik ammaasoqartariaqartoq, ilinniarnerit kiisalu aalajaassuserlu pingaartinneqartariaqartut Aningaasaqarnermut Siunnersuisooqatigiinnit oqaatigineqarpoq. Tamakku qineqqusaarnermi oqaluuserineqarnissaat kaammattuutigaat.
- Siunissamut qaninnerusumut oqallinnerit allaanerusarput, neriuutigaarpulli siunnersuutivut oqaluuserineqarumaartut.
Inatsisartunut novembarip 28-ani qinersisoqassaaq.