suleqatigiinneq
Siunnersuisooqatigiit: Issittumi periarfissat atorluartariaqarpavut
Kalaallit Nunaat, Islandi Savalimmiullu ataatsimut takornariaqarnikkut suleqatigiilissappat? Taanna ilaatigut pillugu oqallittoqassaaq akunnerup naanerani
Nunat avannarliit killiit Siunnersuisoqatigiit oqaluttuarisaaneranni aatsaat Aasianni ataatsimiittoqassaaq.
Kalaallit Nunaata, Islandip Savalimmiullu soqutigisaat pillugit ataatsimiittoqassaaq. Tassani suleqatigiissutaasinnaasut eqqartorneqassapput.
Ataatsimiinnissap pingaaruteqassusaa pillugu siunnersuisooqatigiinni siulittaasup Bill Justinussenip tusagassiutinut nalunaarummi ima oqaatigaa:
- Issittup malinnaaffigineqaleriartornerata ilutigisaanik Nunat avannarliit killiit Siunnersuisoqatigiit suleqatigiissinnaanissamik takutitsisinnaasariaqarput. Issittoq uagut immikkoortortaqarfigaarput. Nunarsuarput 2025-mi qanoq isikkoqassanersoq immitsinnut aperissaagut. Ataqatigiinnikkut Issittumi periarfissanik atorluaassaagut. Aningaasaqarnerup pitsaanerulernissaa anguniarneqassaaq, tassani Issittumi periarfissat atorluarneqassapput.
Pingaarutillit oqallisigineqartussat
Aalisarneq, piniarneq, angallanneq kiisalu Kalaallit Nunaata Islandillu Savalimmiullu ataatsimut pilerisaarinerit oqallisigineqassapput.
Ataatsimiinnerni ministerit assigiinngitsut peqataassapput. Inuussutissarsiornermut, Suliffeqarnermut Niuernermut Nunanullu Allanut Naalakkersuisoq, Vittus Qujaukitsoq Siumut, peqataassaaq.
Aasianni ataatsimiinnissat pillugit annertunerusumik aviisimi Sermitsiami atuartoqarsinnaavoq. Aviisi ataani pisiariuk: