siunnersortit ilinniartut unittoornaveersaartissavaat

Inuusuttut inuussutissarsiutinik ilinniarnerminnik unitsitsiinnartarnerat pinaveersaartinniarlugu Inuussutissanut ilinniarfimmi Inuilimi siunnersortinik ilinniartitsipput.

Suliffimmik misiliisimanngikkaanni suliffittaarneq inuusuttorpassuarnut artornarsinnaasarpoq. Suliniuteqarnerlu iluaqutaanissaa atuarfiup neriuutigaa.

Suliffimmi misiliinermi siunnersortip suliassarilerpaat ilinniartunut tapersersuineq, ilinniartut suliffimmik misiliineranni akisussaaneq. Inuusuttut ilinniakkaminnik unitsitsiinnartarnerat pinaveersaartinnissaa siunertaavoq.

Atuaruk: Aatsitassalerinermik ilinniartut Islandimi suliffimmik misiliilersut

Siunnersortinngortut siulliit aqqaneq marluk tallimanngormat Inuilip neriniartarfiani forstanderip Poul Christensenip ilinniartitsisullu Irene Jensenip pikkorissarsimanermut uppernarsaatit tunniuppaat.. Pikkorissartut sineriammi suliffeqarfinni assigiinngitsuneersuupput.

Assimi pikkorissartut saarlerni saamianiik: Sofie P Wille, utoqqaat angerlarsimaffiat Ilulissat. Julia Kristiansen, Ippiarsuk Nuuk. Pipaluk Lyberth, Sana Nuuk. Inger L Søholm, utoqqaat angerlarsimaffiat Maniitsoq. Dorthea Ignatiussen, peqqissaavik Tasiilaq.

Tunuaniittulli saamianiik: Magdalene Isaksen, utoqqaat angerlarsimaffiat Qaqortoq. Manumina Petersen, utoqqaat angerlarsimaffiat Qaanaaq. Ortooraq Mørch, utoqqaat angerlarsimaffiat Upernavik. Jette Andersen, utoqqaat angerlarsimaffiat Sisimiut. Ilinniartitsisoq Inuili, Irene Jensen. Ane Josvassen, Sana Nuuk. Jakobine Enoksen, utoqqaat angerlarsimaffiat Sisimiut. Kristine L Rosing, utoqqaat angerlarsimaffiat Maniitsoq.