RAL
Siunissami pisuusaartitsinerit pillugit oqaloqatigiinneq
Royal Arctic Line aamma Aalborg Havn siunissami ataqatigiissarinissat pillugit pisuussartitsinerusinnaasut pillugit oqaloqatigiillutik aallartipput.
Ataasinngormat Royal Arctic Linemi aamma Aalborg Havnimi siulittaasoqarfimmiut ataatsimiipput. Arlaannuulluunniit attuumassuteqanngitsumi Københavnimi ataatsimiipput, tamanna tukattumik aallartisarnerup kingorna pivoq, taamanikkut ilaatigut Aalborg Havnimit tusagassiuutinut nalunaarummi Royal Arctic Line 2022 sioqqullugu isumaqatigiissummik atorunnaarsitiniarpat 200 milliorner koruuninik taarsiivigineqarnissamik piumasaqaateqarfigineqarsinnaasoq nalunaarutigineqarpoq.
– Attaveqaqatigiinneq pitsaanerusinnaagaluartoq nassuerutigaarput, Royal Arctic Linemi siulersuisuni siulittaasoq, Kuno Fencker ataatsimiinnerup kingorna oqarpoq, tassanilu aamma Royal Arctic Linemi siulittaasup tullia, Dansk Transport og Logistikimi pisortaq, Erik Østergaard peqataavoq.
Atuiunnaariartorneq
Aalborgimi suleqateqarneq ingerlanneqaannassasoq Kuno Fenckerip oqaatigaa. Nunatsinnili assartuinermut suliassat suliarineqarnissai siunertaralugu.
– Anguniakkatta pingaarnersaa tassaavoq Kalaallit Nunaanni ataqatigiissaarinissamik suliassat suliarinissaat. Aalborg Havnimik atuisartuuvugut aamma uanga isinnit isigalugu taava pisiniartarfiup atuisartoq naalaartussaavaa, Kuno Fencker oqarpoq.
Aalborg Havnimi eqqarsarput
Aalborg Havnimi siulittaasup Thomas Kastrup Larsenip, taanna aamma Aalborg Kommunemi borgmesteriuvoq. Peqatigaa Grønlandshavnens Ejendommemi ilaasortaq, Preben Bang Henriksen.
– Ajunngitsumik oqaloqatigiissimalluta isumaqarpunga. Maannakkut pissutsit arlalialunnguit illuatungeriit angerlarlutik suleqqinnissamut tunngatillugu eqqarsaatigissavaat, Thomas Kastrup Larsen oqarpoq.
Allaaserisaq Sermitsiami atuaruk