qinersineq

Siumut tunuliaqutaralugu qinigassanngortittut: Siunissamut isigisa

Inatsisartunut qinersinissamut Siumut tunuliaqutaralugu qinigassanngortittut marluk Demokraatit oqaluuserineqartuni pingaaruteqartuni suleqatigineqarsinnaasut oqarput

Siumut tunuliaqutaralugu Inatsisartunut qinigassanngortittoq Pitsi Høegh (assimiittoq) aamma Julie Rademacher siunissamut isiginerusumik sulisoqartariaqalersoq siunnersuuteqarput

Partiit suleqatigiissinnaanerusariaqartut Siumut tunuliaqutaralugu Inatsisartunut qinigassanngortittut Julie Rademacher aamma Pitsi Høegh isumaqarput.

- Siunissamut isigisa, inissaqartitsisa qineqqusaartuusunut nutaajusunut, arlaqartuusugut qineqqusaaqqaarpugut aamma. Periarfissinneqarta ersarissaassalluta nunatsinnut qanoq suleriaaseqarusunnerluta, inuttarsarsiorneqanngikkaluarluta, siulittalu iliuuserisimasaannut kakkissuunneqanngikkaluarluta, taakku marluk tusagassiutinut nalunaarummi allapput.

Aningaasarsiornermi kiisalu aatsitassarsiornermi Siumut aamma Demokraatit assigiinnerujussui Julie Rademacherip tupaallaatigaa.

- Partiit tamarmik suleqatiginissaanik Siumut ammavoq. Siumut aamma Demokraatit tupaallaatigisannik politikkikkut assigiittorujussuupput, ingammik aningaasaqarnikkut aatsitassarsiornermullu politikkimi, Julie Rademacher Sermitsiaq.AG-mut oqarpoq.

- Akileraartarnermi apeqqummi Siumup Inuit Ataqatigiit isumaqatiginngilaat. Kisianni siornatigut pisimasunit ingerlariaqqittoqartariaqalerpoq siunissamullu isiginerusumik sulisoqartariaqalerpoq. Kalaallit Nunaat patajaatsumik ingerlanneqarnissaa anguniarlugu suleqatigiittoqarsinnaasariaqarpoq, Julie Rademacher aamma Pitsi Høegh oqarput.

Powered by Labrador CMS