qinersineq
Siumut Tasiilami ajugaavoq
Illoqarfiit kisitsiviusut aappaata piareerneqarnerani Siumut qinerneqarnerpaavoq
Annonse
36,7 procentinik qinerneqarluni Siumut Tunumi illoqarfiit marluusut anginersaanni Inatsisartunut qinersinermi ajugaavoq.
Partiini qinerneqarnerpaat tulliattut inissippoq Inuit Ataqatigiit, partiip taassuma qinersisut 21,6 procentii qinersisorimmagit, Atassut 21,5 procentinit taaneqarluni partiini taaneqarnerpaat pingajuattut inissippoq.
Taakkua malitsigaat Demokraatit 10,7 procentinit taaneqartut, aammalu Partii Naleraq qinersisut 8,1 procentiinit qinerneqartut.
Partii Inuit qinersisartut 0,6 procentiinit qinerneqarput, qinigassanngortittut ‘allat’ qinersisinnaasunit 1.357-init qinerneqanngitsut.
Inatsisartunut 2013-imi qinersinermi Siumut Tasiilami aamma ajugaavoq 42,7 procentinit qinerneqarami.