ny koalition
Siumut naqissusiivoq: Ataatsimoorpugut
Demokraatit Atassutillu Siumumi avissaartuuttoqarneraanerat ilumuunngilaq, Jens-Erik Kirkegaard aamma Jens Immanuelsen oqarput
Demokraatit aamma Atassut Siumumik suleqateqarunnaarnerup kingorna, partii avissaartuuffiusorujussuaq KNR-imut oqaatigaat, suleqatigiikkunnaarnerannullu tamanna pissutaasut ilaginerarlugu.
Tamannali ilumuunngilaq.
Inatsisartunut ilaasortat Jens-Erik Kirkegaard aamma Jens Immanuelsen, tamarmik Siumumeersut oqarput.
Atuaruk: D aamma A anereerlutik: Siumut ilumini ajornartorsiorluni akerleriiffiuvoq
Avissaartuuttoqanngitsoq
- Siumumi inatsisartut avissaartuutinngilagut, ataatsimoorpugut, Jens-Erik Kirkegaard allappoq, nangillunilu:
- Siumumiit eqqaasittissutigissuarput illuatingiliuttunnortunut Inatsisartut sulinerat Nalaakkersuisullu sulinerat immikkoormata. Naalakkersuisooqatigiinnermi isumaqatigiissut toqqammavilagu Siumumi sulinerput ingerlapparput, kisianni Naalakkersuisuniit suliat naammaginanngittumik ingerlasut, isummerfiginissaanut Siumup inatsisartuutitai tunuarsimaanngisaannarput.
Atuaruk: Siumut IA aamma Partii Naleraq naalakkersuisoqatigiilerput
Aalajangerneq taperserneqartoq
Taassuma parteeqataata Jens Immanuelsenip partiit suleqatigisimasatik isornartorsiorpai.
- Partiit allat siumup nammineq suliassaanut akuliutissanngillat, namminneq ajornartorsiuteqarunik ajornartorsiutitik aaqqinniarlugit suliniarlik. Aamma partiinut suleqatigisimasatsinnut tikkuartuinianngilagut, taanna tusagassiuutinut nalunaarummi allappoq.
- Siumup Naalakkersuisullu siulittaasuannut Kim Kielsenimut tunuliaqutaavoq, aamnma naalakkersuisut nikinneranni, taanna naqissusiivoq.
Atuaruk: Naalakkersuisunut ilaasortat nutaat aajuku