eqqaaniut

Siumut Kaj Egede pillugu: Ikinngut qasuttuitsoq annaavarput

Siumup siulittaasua Aleqa Hammond Kaj Egedemut eqqaaniummik allappoq

Nunatsinni politikkikkut inuussuutissarsiuteqarnikkullu sunniuteqarluarsimasoq aammalu siunnerfeqarluarsimasoq ukiorpanngortuni suleqatigisimasarput qimaguttoq, Aleqa Hammond oqarpoq

Siumukkormiut ilisimaneqarluartut ilaat Kaj Egede Qaqortumeersoq pingasunngornermi unnukkut toquvoq 62-nik ukioqarluni. Siumup siulittaasuata Aleqa Hammondip Kaj Egede nersorpaat partiimut inuiaqatigiinnullu sullissilluarsimasutut.

Aleqa ammHamHammond eqqaaniaalluni imatut allappoq:
‘Inoqaterput sullarissorsuaq aammalu anguniagaqallaqqissoq qasusuitsorlu toqukkut qimaguppoq.

Nunatsinni politikkikkut inuussuutissarsiuteqarnikkullu sunniuteqarluarsimasoq aammalu siunnerfeqarluarsimasoq ukiorpanngortuni suleqatigisimasarput qimaguppoq.

Kaj Egede tassaavoq inuk kujataanut aammalumi nunatta sinneranut inuutilluni allanngueqataalluartarlunilu siunnerfileeqataalluarsimasoq.

Kaj tassaannaanngilaq partiitta Siumup iluani nukissuaq annertooq kisiannili inuiannut kalaallinut annertuumik nukissamik tunisisoq.

Naalakkersuisuni ilaasortaasarnermini, Siumup Siulersuisuini ilaasortaasimanermini aammalu kommunalbestyrelsemi ilaasortaasarnermini inuussutissarsiuteqarnikkut allannguilluartarsimavoq.

Tunuarsimaarfiginerlu ajorpaa isummat nutaat, sapiissuseqarneq aammalu siunnerfeqarluartumik anguniagaqarneq. Nukik isummersorsinnaanerlu inuiaqatigiinnut tunniussaa angeqaaq, pingaaruteqaqaaq minnerunngitsumillu ataqqisassaavoq.

Kaj Egedep toqukkut qimagunneratigut inuiaqatigiit kalaallit maqaasissavaat aammalu eqqaamassavaat.

Kajip nulia ilaalu minnerunngitsumillu nunaqqatai tamaasa qamannga pisumik misiginneqatigaakka.

Kaj Egedep eqqaaneqarnera ataqqinartuuli', Aleqa Hammond allappoq.

Powered by Labrador CMS