anguniakkat allanngortut
Siumut: Danmark inuulluarit, imaluunniit…
Namminersulivinnissaq pillugu Siumup oqariartuutini sukaammivaa. Maanna tunngaviusumik inatsisissaq – siornatigut nalunaarutaasup akerlianik – innuttaasunut taasissutigitinneqassaaq. Tamanna ataatsimoortumik tapiissutit ikileriasaarnerannik kinguneqarsinnaavoq
Siumumi siulersuisuunerit uuma qaammatip naaleranni partiip ataatsimeersuarnerani namminersulivinissaq pillugu anguniakkap allannguutissaanik siunnersuut saqqummiunniarpaat. Taanna malillugu innuttaasunik taasititsinerit marloorataannanngorput. Tunngaviusumik inatsit aammalu Danmarkimiit avissaarneq kunngiitsuuffinngornermik kinguneqassanersoq.
AG taama allappoq.
Namminersulivinnissamut naalakkersuisoq Suka K. Frederiksen juunip qeqqani nalunaaraluarpoq, tunngaviusumik inatsisissap taasititsissutigineqarnissaa pilersaarutiginagu.
Tassungali isumaqataanngitsoqarpoq.
Siumup siulittaasua Kim Kielsen erseqqarinnerusumik suleriarusuppoq tunngaviusumik inatsiliornermi isumalioqatigiissitap suliaata ukiualuit qaangiuppata saqqummiunnerata kingorna.
- Kalaallit Nunaanni tunngaviusumik inatsisissap innuttaasunit taasissutigineqarluni akuersissutigineqarneratigut Naalagaaffinngornissap piviusunngortinnissaa tunngavilerneqassaaq, Siumup anguniagaasa allannguutissaatut siunnersuummi allassimavoq, tamannalu Siumup siulittaasuata Kim Kielsen julip 27-ni ataatsimeersuarnermi saqqummiutissavaa.
AG-mi paasisaqarnerugit: