Politikki

Siumut ataatsimiinnerup kingorna: Ataatsimoorpugut

Siumumi siuttut marluk Kim Kielsenip aamma Lars-Emil Johansenip akornanni ammassumik saqitsaanneq maanna iluarsineqarpoq, partii tusagassiiutinut nalunaarummi naqissusiivoq. Partiip qitiusumik ilaasortai akerleriinneq pillugu ataatsimiissimapput.

Kim Kielsen, formandsvalg, Siumut
Kim KIelsen aamma Lars-Emil Johansen maanna qaammatikkaartumik naapittalissapput, ''oqaloqatigiinneq pitsaasoq qulakkeerniarlugu'', Siumut taama nalunaaruteqarpoq

Inatsisartuni partiip gruppiata siulittaasua Jens Immanuelsen aamma politikkikkut oqaaseqartartoq Karl-Kristian Kruse, ''Siumukkormiut avissaartuussimanngillat, isummersorneq pisinnaatitaaffiuvoq'' qulequtaralugu aamma ''suleqativut peqatigalugit ingerlassalluta tamarmiulluta naqissuserparput'' allapput.

Saqitsaanneq uppernarsagaq
Kim Kielsenip aamma Lars-Emil Johansenip akornanni ammasumik saqitsaanneq aviisinit AG-mit aamma Sermitsiamit piffissami kingullermi illuatungeriinnik apersuinikkut uppernarsarneqartup, pineqartut partiip kommunimut qinersinermi angusanut sunniuteqarsinnaaneranik paasititsinnguatsiarsimagunarpoq.

Aamma atuaruk: Kim Kielsen: Lars-Emil Johansenip ajorsarnini akuerinngisaannarsimavaa

Aamma atuaruk: Lars-Emil Johansenip Kim Kielsen isornartorsiorpaa

Inatsisartunut aamma Naalakkersuisunut ataatsimiinnermut aggersarneqarput, tassanilu saqitsaakkunnaarsitsisoqarpoq.

Saqitsaattut qaammammut ataasiarlutik naapittassapput
Taakku saqitsaattut marluk qaammammut ataasiarlutik ''oqaloqatigiinneq pitsaasoq qulakkeerniarlugu'' naapittalissasut, Siumumit tusagassiuutinut nalunaarummi atuarneqarsinnaavoq.

- Nunap asasatta inuiaqatigiillu ineriartortinneqarnerisa sallinngortillugit suleqativut peqatigalugit ingerlassalluta tamarmiulluta naqissuserparput, partiimit nalunaarutigineqarpoq.

Powered by Labrador CMS