amigartoorneq
Siumut akiitsoqarpoq
Partiitoqqani kingullersaalluni Siumup ukiumut kingullermut naatsorsuutini saqqummiuppai. Isertitat ikinnerupput aammali aningaasartuutit ikinnerullutik, taamaalilluni angusat pitsaanerulerlutik. Namminerli aningaasaatit suli amigarput
2014-imi Siumup aningaasartuutai qaleriiaginnavipput. Partiimit aningaasarpassuit atorneqartariaqarsimapput novembarimi Inatsisartunut qinersinermut immikkut ittumut Aleqa Hammondilu Kim Kielsenimik taarserniarlugu immikkut ittumik ataatsimeersuarnermut.
Tamatumani partii aningaasaqarnikkut annertuumik tatineqarpoq. Naak pisortanit tapiissutit 5,4 million koruuniusut ukiup siuliani qinersinermi qinersisit aallaavigalugit annertussuserneqartartut aatsaat taama amerlatigigaluartut 232.000 koruuninik amigartoortoqarpoq.
Aningaasaqarneq pitsanngoriartoq
Maanna partip januaarimiit decembarimut 2015-imut naatsorsuutini saqqummiuppai, siuttuisalu aningaasaqarneq ilorraap tungaanut sangutissimavaat. Ukiup naanerani 75.000 koruuninik sinneqartoortoqarpoq; pitsanngoriarneruvoq ilaatigut siorna ataasiaannartumik qinersisoqarneratigut tassalu juunip 18-ani Folketingimut.
Naluneqanngitsutut Aleqa Hammond qinigaavoq; tamatumunnga katillugit 253.000 koruunit atorneqarput.
Allaaserisaq tamaat AG-mi atuaruk, taanna ullumikkut pisiarisinnaavat. Partiit allat aamma aningaasaqarneri pillugit tassani atuarsinnaavatit: