Siulittaasunngorniunneq
Siumup inuusuttaat qinersinissamut akerliupput
Siumumi siulittaasunngorniunnerup ikerinnakkut qinersineq kingunerisinnaavaa. Kisianni tamanna partiimut iluaqutaajunnanngilaq, Siumup Inuusuttunut Suleqatigiiffia isumaqarpoq
Sapaatip-akunnerini kingullerni qinersisoqarnissaanut tusatsiakkat imaaginnavipput.
Vittus Qujaukitsoq Siumumi siulittaasunngussagaluarpat, partiit qinersinissamut piareersarsimapput. Tamannalu pissaaneqalissaguni kinguneriumaaraa unammillertup ippassaq uppernarsarpaa.
Kisianni tamanna isumassarsiatsialaanngitsoq, Siumup Inuusuttaat isumaqarput. Siulersuisut ataatsimiinneranni apeqqut tamanna oqaluuserisimavaat.
- Siulersuisuunerit kattuffitta siuttui isummertereerlugit oqarsinnaavunga Siulersuisuunerit tamarmiisut ikerinnakkut qinersinissaq tapersersunngimmassuk, tamanna kattuffimmut Siumup Inuusuttunut Suleqatigiiffianut iluaqutaasussatut imaluunniit Partiitsinnut Siumumut iluaqutaasussaanngittutut nalileratsigu, Steve O. Sandgreen, S.I.S-imi siulittaasoq oqarpoq.
Naalakkersuisut siulittaasuata kisimi qinersisoqassanersoq aalajangersinnaavaa.
Aamma atuaruk: Vittus: Siulittaasunngorniunnermi ajugaaguma qinersisoqassaaq