kommunimut qinersineq

Siumumit qinigassanngortittup iluminni assortuunneq nuannaarutigaa

Inuussutissarsiortup Nicolai Nissenip, Kommuneqarfik Sermersuumi Siumumit qinigassanngortittup Siumup siulittaasuata Kim Kielsenip aamma Inatsiartunut ilaasortap Martha Lund Olsenip akornanni aaqqiagiinnginnermut naliliivoq

Nicolai Nissen, adm. direktør, Godthåb Bryghus

Kim Kielsen aamma Martha Lund Olsen illoqarfiup ineriartortinneqarnissaanut suliamut tunngatillugu assortuupput, taanna borgmesterip IA-meersup Asii Chemnitz Narupip Demokraatineersumit Justusa Hansenimit aamma Siumumeersumit Ane Egede Mathæussenimit taperserneqarluni februaarip 7-anni saqqummiunneqarpoq.

Aamma atuaruk: Siumumi maanna saqqumiinnartumik assortuupput

Martha Lund Olsenip ataasinngornermi partiimi siulittaasuni illoqarfiup ineriartortinneqarnissaanik ''isumaannakkut pilersaarutit plakatinik kusanartumik saqqummiussaanerarlugit'' oqariartuuteqarnera akerlilerlugu isumaqatiginnginnerarmagu ammasumik assortuunnermi marlunngornermi ullaakkut saqqummertumi periutsit atorneqartut tulluartuusut Nicolai Nissen isumaqarpoq.

''Ilungersorusussuseqarpugut''
- Inuiaqatigiinnut pingaarutillit ammasumik assortuussutigisarpagut. Siumumi ilungersorusussuseqarlutalugu piumassuseqqortuujuvugut. Kisianni immitsinnut paaneq ajorpugut. Politikki oqallisigisarparput, inuussutissarsiortoq Sermitsiaq.AG-mut mailikkut allappoq, ilanngullugulu:

- Partiimi toqqorluni oqallinnermik ingerlatsiviusariaqanngitsumi ilaasortaanera nuannaarutigaara. Siumumi assigiinngissuseqarnissamut inissaqarpoq.

Inuussutissarsiortup sapaatip-akunneri arlaqanngitsut matuma siorna politikkikkut sassartup, taakku marluk akerleriinnerat ilaatigut ima allalluni nalilerpaa:

- Siumut Siorarsiorfimmi suliniummut akerliunngilaq.

Aamma atuaruk: Kielsen Nuummi suliniut pillugu: Isumaannakkut pilersaarut

Kim Kielsenip ''isumaannakkut pilersaarutaanerarlugu'' oqariartuuteqarneranut tamanna qanoq tulluartiginersoq Siumumit qinigassanngortittumit akissuteqarfigineqanngilaq.

Atuaruk: Siorarsiorfik – qineqqussaarnermi suliassaq pitsaavallaanngitsoq

Nicolai Nissenip taarsiullugu ''taakku marluullutik aningaasaqarnermut tunngasortai qulakkeerneqartariaqarnerannik oqaatiginnipput. Tamatta aningaasaqarnerup ataqatigiinnginnera ernumassutigigipput isumaqarpunga. Kisianni ataqatigiitsilersinnaavarput. Illoqarfimmik ineriartortitsineq unitsinnianngilarput. Kisianni aamma qineqqusaarnermi akikinaaraluta suliniummi tuaviuussaarpasittumit pointinik pissarsinianngilagut'' taanna oqaaseqarpoq.

Atuaruk: Nunatta oqaluttuarisaanerani inissianut pilersaarut annerpaaq

Siumumit qinigassanngortittup ilanngutassiinini ima naggaserpaa:

- Aningaasaqarneq aqulluarneqartariaqarpoq. Suilniutit annertuut naammassineqartarnissaat qulakkiissavagut. Taakkulu aningaasaqarnikkut, inuttut aamma assigiimmik pisussaaffeqartumik atuilluartuussapput. Taamaaliorsinnaavugut.

Powered by Labrador CMS