Tatiginninnginneq
Siumumi tunuliaquttat: Aleqa tunuarit
Partiip Qaasuitsup Kommuniani gruppiata Aleqa Hammond Folketingimit tunuaqqullugu kajumissaarpaat
Siumup Qaasuitsup Kommuniani kommunalbestyrelsimi gruppiata Aleqa Hammond, utaqqiinnarsinnaajunnaaramikku Folketingimit tunuarnissaani kajumissaaruteqarfigaat.
Atuaruk: Aleqa Hammond: Peqquserlunniarsarinngilanga
Kreditkort pillugu suliaq
Folketingimi ilaaosortatut kreditkortiminik atornerluinermut suliap kingorna taamatut oqariartortoqarpoq. Siumup tungaanit suliaq annertuumik tassunga isornartorsiutitsivoq. Sinniisaa Jens-Erik Kirkegaard sassartinniarneqarmat tunuarnissani itigartitsissutigaa.
Tamannalu partiimit anisitaaneranik kinguneqarpoq. Aleqa Hammondilu attaviitsutut ingerlaqqippoq.
Atuaruk: Aleqa Hammond Siumumit peersitaavoq
Attaveqatigiinnissamik pisariaqartitsineq
Taamatullu aalajangerneq Siumup Avannaani kommunalbestyrelsimut ilaasortaatitaannik kammannermik pilersitsivoq.
- Nunatta aatsaat taama pisariaqartitsigilerpaa attaveqatigiinneq annertooq patajaatsorlu, tamannalu Aleqa Hammondip maanna nammassisinnaajunnaarpaa. Taamaattumik kajumissaarparput piaartumik tunuarniuteqaqqullugu, Siumup gruppia tusagassiuutinut nalunaarummi allappoq.
Atuaruk: Aleqap missingersuutit affai sinnerlugit annaavai