Siulittaasunngorniunneq
Siumumi siulittaasunngorniunnissaq pissangassutaasoq
Siumup immikkoortotaqarfiinut 20-inut sainerluni AG paasiniaammat juulimi siulittaasunngorniunnissaq pissanganassasoq paasinarsivoq
Marlunngornerup unnukkuani Siumumi siulittaasup unammillertaa Vittus Qujaukitsoq Siumup Nuummi immiikkortortaqarfiani siulittaasunngorpoq. Siulittaasuusimasoq Niels Boassen unammillerneqarami ikinnerusunik taaguunneqarluni siulittaasumut tullersortiulerpoq. Tamanna isumaqarpoq aasaru Siumup nuna tamakkerlugu ataatsimeersuarnerani siulittaasunngorniuuttoqalerpat Vittus Qujaukitsoq aallartitatut peqataanissani qulakkeeraa.
Partiimi avissaartuuffiuvoq
Siumup immikkoortoqarfiinit 63-usunit 20-it sinnerlugit sianerfigeqattaarnerisigut AG tipisiuivoq. Tassanilu paasinarsivoq Vittus aamma Kielsen kisimik siulittaasunngorniutissappata naligiiffiusoqariaannaasoq.
Namminersulivinnissamut apeqqut Vittus Qujaukitsup aamma Kim Kielsen tapersersortaasa avissaarutigaat.
- Siumup iluani eqqissiunnaartoqarnera immikkoortoqarfinni toqqissisimanngissutaavoq, Andreas Sanimuinnaq Ittoqqortoormiini Siumup immikkoortortaqarfianinngaanniit oqarpoq. Taassuma kina siulittaasutut piukkunnerlugu suli nalornissutigaa.
Tapersersortai amerlisut
- Assigiinngitsorpassuarniit tapersersuisunit tutsiussorfigineqarpunga. Pingaartumik taama pisoqarpoq FN-mut naammagittaalliutip oqallisaaqqilernerani. Qularutissaanngilaq FN-mut naammagittaalliorsimanerma Siumumi siulittaasunngorniarninni tapersortissanik tuniorarsimagaanga, Vittus Qujaukitsoq AG-mut oqarpoq.
Siulittaasunngorniuunnissaq pillugu AG-mi kingullermi allaaserisat arlallit atuarneqarsinnaapput.
Siulittaasussarsiorneq sukappoq
Tapersersorneqarluarpunga
Kielsen oqarnaversaarpoq