Politik
Siumumi politikerip inuiaat piumasaqaannarnerat qatsukkaa
Inatsisartuni ilaasortaq Laura Táunâjik (S) isumaqarpoq, inuiaqatigiit inuit ataasiakkaanik piumasaqaannartumik eqqarsartariaasilinnik pilersinneqarsinnaanngitsut
Piumasaqaannarneq pigalugu ingerlaneq immini iluanaarfiusinnaanngilaq. Tamanna pissarsiaqarfiginavianngilarput. Illuatungaanilli ilikkartariaqarparput iliuuseqarneq aamma inuiaqatigiinni peqataaneq.
Siumumeersoq Laura Táunâjik, Inatsisartuni ilaasortaq taama oqarpoq.
- Pingaartitat naleqartitallu ersernerlunnerusutut ilersimasutut ipput. Akerlianilli inuiaat piumasaqaatiminnik oqarsinnaanerulerlutillu ammanerulersimapput, tusagassiuutinut nalunaarummini taama allappoq.
Unneqqarinnerulerneq
Laura Táunâjik isumaqanngilaq, inuiaqatigiit unneqqarinnerulersimanerat ajortuusoq.
- Akerlianili ataatsimoorfeqarunnaartutut ataasiakkaatuinnaq piumasaqarneq annerulersimasorinarpoq. Tamannalumi perorsaariaatsip inooriaatsillu allanngornerani patsisaaqataavoq, Siumumi politikeri uparuaavoq.
Suleqatigiillaqqinneruneq
Tassunga tunngatillugu kaammattuivoq inuiaqatigiit suleqatigiillaqqinnerusariaqartut.
- Peqataanikkut, iliuuseqaqataanikkut, kaammattuinikkut ikioqatigiinnikkullu. Kajumissuseq aningaasaniiginnanngimmat, aammali susasssareqatigiinnermi pilersitsineq annertooq nakussassarneqarsinnaasarmat, Laura Táunâjik taama allappoq.