Nuuk
Siulittaasunngortoq uani najugaqassaaq
Naalakkersuisut siulittaasortaassaat illugissaassaaq illumi ukiut 100-t sinnerlugit pisoqaassusilimmi nutarterneqarluarsimasumi. Qalipannerali naammasseqqaarneqassaaq
Qalipallugu ulapputigineqarpoq. Tunngavissaqarluartumik. Qanittuararsuakkut nutaamik Naalakkersuisuni siulittaasortaassaagut. Qalipaasut suliffeqarfiata Regnbuenip nunatsinni politikerit pissaaneqarnerpaartaasa ilaqutaasalu illussaat piffissaatillugu naammassiniarsaraa.
Ilaqutariit inissamik amigaateqassanngillat. Illu 236 kvadratmeterinik angissuseqarpoq.
Illu, Kalaallit Nunaata Katersugaasiviata Allagaateqarfiatalu sanianiittoq, pingasunik qulereeqarpoq.
(MALUGINIARUK: ALLAASERINEQARTOQ LINKILIUSSAMI ATUARNEQARSINNAAVOQ)