Siulittaasunngorniartoq
Siulittaasunngorniartoq malersugaasutut misigisimasoq
Tusatsiakkanik siaruarterisut Vittus Qujaukitsup ajuallatsitaasutut eqqartuussivilersuunnissaat sioorasaarutigaa. Naalakkersuisunut ilaasortaasimasoq sulinerminut atatillugu Kinami tikeraarnermini aalakoorsimaneragaavoq.
Najoqqutarisat arlaqartut imminnut attuumassuteqanngitsut AG-mut oqaatigaat Vittus Qujaukitsup nunanut allanut tunngasunut Naalakkersuisutut tunuartitaaneranut kingornalu kamalluni Naalakkersuisunit soraarneranut peqqutiviusoq tassaasoq sulinerminut atatillugu pisortatigoortumik Kinami aallartitanik ataatsimeeqqateqarnermini annertuumik aalakoorsimasoq.
AG aviisi allaaserinnippoq.
Taamatut oqarneq Vittus Qujaukitsup sapaatit akunnerani tullermi partiip ataatsimeersuarnerani Siumumi siulittaasutut Kim Kielsenimut unammillertup uppernarsiniarnagulu eqqunngitsuunnginneranngilaa.
Paasiguniulli kina tunuliaqutaanersoq tamanna ilungersunartumik kinguneqarsinnaavoq.
Eqqartuussisulersuiniartoq
- Tusatsiakkat taamaattut tusarsimavakka imarisaalli oqaaseqarfiginianngilakka. Inuilli tusatsiakkanik pilersitsisut ajuallatsitaasutut ataqqinassutsimillu innarliisutut eqqartuussivilersuunniarpakka kikkuunersut paasigukkit, Vittus Qujaukitsoq oqarpoq nangillunilu:
- Tusatsiagarpassuusarput, aamma Kim Kielsen pillugu. Tusatsiakkanilli siammarterisunit pitsaanerunavianngilarna tamakku pillugit oqaaseqartaleruma. Qinersisartut kisimik qinigaasinnaanermullu ataatsimiititaliap aalajangersinnaavaat qinikkatut sulinitsatsinni ataqqinassuseqarnersugut. Ilerasuutissaqanngilanga misigisimavungalu sinerissami immikkoortortaqarfinnit tapersersorneqarlunga, Vittus Qujaukitsoq ungasinngitsukkut Nuummi Siumup immikkoortortaani siulittaasutut qinigaasoq oqarpoq. Tamanna pivoq Lars-Emil Johansen ilaaatigut innersuussilluni oqalugiareersorlu.
Kielsen nukittunerulersoq
AG-mit Siumumi ilaasortat arlaqartut attaveqarfigisimavagut. Tamatumani malunnartumik isumaqartoqarpoq Qujaukitsoq siulittaasussatut ingerlalluarnerusoq Uummannap eqqaani ajunaarnersuaqanngikkallarmat, uissuumminartumillu Aleqa Hammondip Siumumut uterteqqinnissaanut AG-mut oqaaseqarnerata siornatigut.
Maanna Kim Kielsen ingerlalluarnerulersutut isikkoqarpoq Nuugaatsiap Illorsuillu eqqaani tassaarsuaqarnerata kingorna Naa- lakkersuisut iliuuseqarnerisa ki- ngorna.
Nu synes vinden at være drejet til fordel for Kim Kielsen efter Naalakkersuisuts indsats i forbindelse med tsunamien ved Nuugaatsiaq og Illorsuit.