Nuuk
Sisoraatinik sungiusarneq meeqqanit soqutigineqarluartoq
Ujakkaartartut Nuummi peqatigiiffiata NSP-ip meeqqat sisamanit arfineq marluk tikillugit ukiullit sungiusartippai sapaatiummat. Meeqqanit soqutigineqarluarmat sungiusaasoqartalissaaq
Nuummi silaqqilluarnerani meeqqanik sungiusaasoqarpoq sapaatiummat. Ujakkaartartut peqatatigiiffiata NSP-ip meeqqanik sungiusaaneq ingerlappaa, tassani timersuutip qanoq iluaqutaatigisinnaanera aamma paasissutissiissutigineqarluni. Sungiusaanermi meeqqat 15-t peqataapput.
Meeqqanik sungiusaanissamut aallarniisuuvoq Claus Kjærulff-Jørgensen, taanna aamma erneqarpoq sungiusaqataasumik. Meeqqat angajoqqaami sungiusarneranni taamaasillutik aamma ujakkaarnermik sungiusarsinnaalerput. Aallarterlaanut sungiussisimasunullu sungiusaasoqarpoq.
Meeqqat siullermik kissasserneqarput. Taanna pereeriarmat ujakkaarutileriarlugit pinnguartinneqarput.
Meeqqat amerlanerusut
Claus Kjærulff-Jørgensenip oqaatigaa meeqqat sapaatini amerlasuuni tulliuttuni sungiusartarumaartut, aamma ujakkaarnermi sisorarnermilu pinnguaatinik allanik siunnersuisoqarsinnaasoq oqaatigalugu. Meeqqat ikinngutitik peqatigalugit tulliani sungiusariarsinnaasut oqaatigaa, taamaasilluni meerarpassuit sungiusaqatigiissinnaniassammata.
Sungiusarneq pinnguarnertalik NSP-ip illuutaata eqqaani ingerlanneqartarpoq sapaatip ullaani. Flemming Enequistip meeqqanik sisorarnermik sungiussisimanngitsunik sungiusaasarpoq Frederik Lundbladillu ujakkaarnermik sungiussisimanerusut sungiusartarlugit.
NSP-ip Facebookimi quppernerani sungiusarnissat allannguutillu pillugit allattarpoq.