Sisimiut eqqaani umiarsuarmik tunitsiviliineq
Sisimiuni Sarfannguanilu aalisartut saarullinik tunitsiveqarniarnerat pitsaanerulersinniarlugu ningittagarsuut Masilik Sisimiut eqqaani tunitsivittut atuutilerpoq
Annonse
Ningittagarsuut Masilik aalisakkat maannamut annerpaamik ullormut 33 tonsit qeritillugit tunisassiarisimavai. Masilik Sisimiut eqqaani majip 22-iani tunitsivittut atuutilerpoq, qaammallu ataasiugallartoq tunitsivittut atuutissaaq.
Royal Greenland nittartakkamini taama allappoq.
Aalisartut piniartullu kattuffiat KNAPK, Royal Greenland aamma Masilimmilu inuttat sinniisaat suleqatigiillutik pilersaarusilornerisigut tulaassinermi maleruagassaq naapertorlugu Sisimiuni Sarfannguanilu aalisartut Royal Greenlandip tunitsiviinut Masilimmullu tulaassisarnerat paarlakaajaattumik ingerlanneqarpoq.