Wednesday, January 10, 2018 - 16:02

Sisimiuni timersortartunik nersornaasiineq

Sisimiuini timersullammammik toqqaaneq pivoq kunngit pingasut ulluanni januarip arfernat Taekwon-Do-mi unammisartoq toqqarneqarpoq Lars Lennert Abelsen Taekwon-Do Sisimiuneersoq timersullammattut toqqagaalluni.

Timersortartut ulluat Sisimiuni illoqarfiup timersortarfiani ornigarneqarluartumik arfininngornermi ingerlanneqarpoq.

Aaqqissuussinermi tassani timersornermut nersornaatit sisamat tunniunneqarput. Nersornaasigaasut diplomip saniatigut pisiffimmiik gavekort, Qeqqata Kommunianiit tupilaat, kiisalu check-it agguaanneqarput.

Taekwondortartoq Lars Lennert Abelsen ukioq manna timersullammattut toqqarneqarpoq.

- Sisimiormiut timersortartut ukioq 2017-imi angusaqarsimasut ujaminnassimasut tamarmik amma ujaminnatsinneqarput ujammit katillugit 476-it guld-it 227-it søvl-it 132 bronze-it 117-it, Qeqqata Kommunia tusagassiuutinut nalunaarummi paasissutissiivoq.

Aaqqissuussinermi nipilersornermik aliikkusersuisoqarpoq, tilluuttartut takukititsillutik kiisalu illoqarfimmi taekwondortartut peqatigiiffiat takutitsillutik.

Nersornaaserneqartut:

Timersullammak 2017: Lars Lennert Abelsen Sisimiut Taekwon-Do

Piginnaasalik 2017: Bjarne Andersen S-68 Isikkamik arsaattartoq & Assammik arsaattartoq

Sungiusaallammak 2017: Arnatsiaq Rosing SSP Langrend

Maligassiuisoq 2017: Ane L. Olsen Pinngortitami silami ukiuni arlaqalersuni timersornernikkut maligassiusoq.

Allaaserisap ataani assit marluk takukkit

Timersortartut Sisimiuni arfininngormat nersorneqarput
Assi.: Qeqqata Kommunia
Aaqqissuussinermi nersornaatit sisamat tunniunneqarput
Assi.: Qeqqata Kommunia
Seneste nyheder / Nutaarsiassat kingulliit