ileqqut

Sisimiuni qilaatersorneq

Kulturip illorsuani Taseralimmi qilaatersorneq ilinniarnissaanut periarfissaassaaq

Sisimiuni kulturip illorsuani Taseralimmi arfininngornermi oktobarip 29-anni qilaatersornermik ilinniarnissamut periarfissaqassaaq. Peqatigiiffik Inngertartut suleqatigalugit pikkorissaaneq aaqqissuunneqassaaq.

Ukiuni kingullermi kitaani qilatersortarnerup atorneqarnera uummarissarneqareernera tunuliaqutaavoq, maannalu Taseralimmik atuisut aamma ilinniarnissaminnut periarfissaqalerput.

Avanersuarmiut, tunumiut kitaamiullu inngeriaasii
Peqatigiiffik Inngertartuneersut Jose Joelsen, Kuka Fleischer aamma Hansine P. Rasmussen Sisimiuni avanersuarmiut, tunumiut kitaamiullu inngeriaasiannik pikkorissaassapput.

Peqataasussat nammineq qilaatitik nassassagaat aaqqissuisut kajumissaaripput, namminerlu qilaateqanngikkaanni Katuaq misilinneqarsinnaasunik atukkiussinikuuvoq.

Peqataasut sapaammi Taseralimmi ilikkakkaminnik takutinissaminnut piareersimassapput.

Powered by Labrador CMS