Sisimiut

Sisimiuni politiit ujajaasup assinga saqqummiunniarlugu siorasaaripput

Brugseneeqqami Kussangasumi tillinniaq filmiliutinit assilineqarsimavoq. Tillinniarlu imminut tunniutinngippat assini tusagassiutini takusinnaalissavaa

Kinaava? Sumiippalu?

Apeqqutit taakku marluk Sisimiuni politiit akissutiserusuppaat.

Sisimanngormat unnukkut aningaasat 17.000 koruunit Brugseneeraq Kussangasumit Bolethep Aqqusernani tillinneqarput.

Misissuinerillu kinguneqarsimanngillat. Naak politiit saaffigineqartaraluartut misissuinerit ingerlaqqissinnaasarsimanngillat.

Atuaruk: Pisiniarfimmi sulisut ujajaasoqareernerani ikiorneqarput

Atuaruk: Sisimiuni pisiniarfimmi ujajaasoqareersoq politiit takunnissimasussarsiorput

Ujajaasoq ima isikkoqarpoq:
Ujajaasoq ima isikkulittut nassuiarneqarpoq: angut, 175 centimeterit missaannik angissusilik, nukeqarluartoq, qorsorpaluttunik isilik, aappaluttumik maskilik, qernertumik kavaajalik, qasertunik Nikenik joggingilik qernertunillu Nikenik kamippalik. Aamma sisimiorpalulluni oqaluppoq.

Politiit tillinniarnerup nalaani videoliat paarivaat, ujajaasorlu nammineerluni politiinukanngippat assit tusagassiutitigut saqqummiunneqassasut politikommissær Johan Davidsen oqarpoq.

Ujajaasup pisiniartitsisut pingasut siorasaarsimavai, ineeqqamullu mattullugit.

Sisimiunilu politiit nalunaaqutaq 23.52 nalunaarfigineqarsimapput. Tillinniaq isertarfikkut tunorlikkut isersimavoq, sulisullu siorasaarlugit aningaasaasivissuaq ammartissimallugu.

Powered by Labrador CMS