Sisimiuni politiit angut una ujaaraat

Karl Peter Berthelsen, inuttut ulorianartumik pinerluttuliorsimasoq, Sisimiuni politiinit ujaarineqarpoq

Sisimiuni pinerluttut inissiisarfianiit aneersuarnerta nalaani Karl Peter Berthelsen qimaavoq sapaatiummat.

Taamaammat Sisimiuni politiit Karl Peter Berthelsen ujaaraat, politiit Facebookimi quppernerminni allapput.

- Qimaasimasumut takunnittoqarsimatillugu ilisimannittoqarpalluunniit tigusarinissaanut Politiinut saaffiginniffissaq oqarasuaat 701448’mut attavigeqquneqarpoq. Eqqaamaqquneqarpoq nammineq tigusarinninnginnissaq, politiit allapput.

Pinerlussimanermut inatsit malillugu tigummigallagaasoq toqqoqqatinneqarsimappat unioqqutitsinikkulluunniit tigummigallarneqartoq attavigineqarsimappat pineqaatissinneqarnermik kinguneqarsinnaasoq politiit eqqaasissutigaat.

Powered by Labrador CMS