Sisimiuni nipilersornermut festivaleqassaaq

Nipilersoqatigiit Small Time Giants, Simon Lynge aamma G-60 pingaarnertut tikeraartuussapput nipilersorluni festival Arctic Sounds Festival siullerpaamik Sisimiuni aprilip 25-aniit 27-ata tungaanut pilerpat. Tusarnaartitsinerni suliaqaatigalunilu pikkorissarnerni kulturil illorsuaq Taseralik atorneqassaaq.

Sisimiuni nipilersortartut isumassarsiornissamut periarfissaqassapput Arctic Sounds Festivalip ingerlanerani. Nipilersortunummi tusarnaarlunilu qitittoqaannassannglaq. Aamma erinarsuusiornermut pikkorissarnissamut periarfissaqassaaq.

- Nunatsinni nipilersortartut, taalliortut erinniortullu pikkorissut akeqanngitsumik peqataallutik pikkorissartassapput, pikkorissaasoralugit nunani avannarlerni nipilersornermik inuuniuteqarlutik aallussisut. Pikkorissaanermi nipilersortartut nutaanik taalliorlutillu erinniornerminni saniatigut, nunani avannarlerni nipilersornermi aallussisunik attaveqarluarnermi nunani avannarlerni nipilersorneup silarsuaani nutaanik periarfissaqalernermik kinguneqarnissaa anguniagaavoq, Arctic Sounds Festivalimik aaqqissuisut sinnerlugit Jakob Froberg nalunaarpoq.

Tusarnaartitsinerit porskip kingorna sapaatip akunnerata naanerani siullermi pissapput. Sisimiuni suliffeqarfiit namminerlu piumassutsimik suliniartut iluaqutigalugit Arctic Sounds Festival piviusunngorsinnaasimavoq.