Arctic Sounds
Sisimiuni nipilersornermik festivaalertitsineq aallartinneqartoq
Sisimiuni ukiut tamaasaa nipilersornikkut festivalertitsisarneq, Arctic Sounds, sisamanngornerup unnuaani ammarneqassaaq
Ukioq manna Sisimiuni, Arctic Sounds, unnugu ammaanersiorneqassaaq.
Ulluni tulliuttuni tusarnaartitsinerit 30-it ingerlanneqassapput, festivalertoqarneranilu sumiiffinni assigiinngitsuni sisamani nipilersortoqartassalluni.
Ukioq kingulleq nipilersortartut assigiinngitsut ilaatigut majuartaatip eqqaani, illoqarfiup pisiniarfiini nunaqarfinnilu appisimaaqattaarput.
Nipilersoriaatsit assigiinngitsut
Nipilersortartut assigiinngitsut 33-it Nunani Avannarlerneersut nunartik nipilersoriaasertillu saqqummiutissavaat. Festivalertoqarnerani sallaatsunik, sakkortunerumaartumillu nipilersorfiussaaq.
Taalliortartut sisamat Kangerlussuarmiik ulluni sisamani qimusserlutik qingerlaarsimasut ammaanersiornermi nipilersortuussapput. Taakku qimussertillutik nipilersuusiarisimasatik ammaanersiornermi atussavaat, aaqqissuisut paasissutissiipput.